കൊച്ചി: സ്വര്‍ണവില പവന് 120 രൂപ കൂടി 22,160 രൂപയായി. 2770 രൂപയാണ് ഗ്രാമിന്റെ വില. 22,040 രൂപയായിരുന്നു കഴിഞ്ഞദിവസം പവന്റെ വില.

പത്ത് ദിവസത്തിനിടെ 820 രൂപയുടെ വര്‍ധനവാണുണ്ടായത്.ജൂണ്‍ രണ്ടാം വാരമെത്തിയതോടെ സ്വര്‍ണവിലയില്‍ നേരിയ ഉയര്‍ച്ചകള്‍ കാണാനുണ്ട്.

മെയ് ഒന്നിന് 22,560 രൂപയായിരുന്നു പവന്.മെയ് 30 ന് തിങ്കളാഴ്ച സ്വര്‍ണ്ണത്തിന് മെയ്മാസത്തെ ഏറ്റവും താഴ്ന്ന വിലയിലെത്തിയിരുന്നു,2680 ആയിരുന്നു അന്ന് ഒരു ഗ്രാമിന്റെ വില.

രാജ്യാന്തര വിപണിയിലെ വിലവര്‍ധനവാണ് ആഭ്യന്തര വിപണിയിലും പ്രതിഫലിച്ചത്. 2016ന്റെ തുടക്കത്തിലും സ്വര്‍ണവില താഴ്ചയിലായിരുന്നു.ജനുവരി ഒന്നിനു പവനു 18,840 രൂപയായിരുന്ന വില.