കൊച്ചി: സ്വര്‍ണ വില പവന് 120 രൂപ കുറഞ്ഞ് 22,040 രൂപയായി. 2755 രൂപയാണ് ഗ്രാമിന്റെ വില. 22,160 രൂപയായിരുന്നു കഴിഞ്ഞ ദിവസം പവന്റെ വില.

ഇന്നലത്തെ വില ജൂണിലെ ഏറ്റവും ഉയര്‍ന്ന വിലയായിരുന്നു. 21,400 രൂപയായിരുന്നു ജൂണിലെ ഏറ്റവും കുറഞ്ഞ നിരക്ക്.

മെയ് മാസത്തിന്റെ തുടക്കത്തില്‍ വില 22,560 രൂപ വരെ ഉയര്‍ന്നിരുന്നു. തുടര്‍ന്നിങ്ങോട്ടു വില ക്രമേണ താഴുകയായിരുന്നു. അക്ഷയ തൃതീയ ദിനത്തില്‍ പ്രതീക്ഷിച്ച നിലവാരത്തില്‍ വില്‍പന നടന്നില്ലെന്നു മാത്രമല്ല വില 22,480 രൂപയിലൊതുങ്ങുകയും ചെയ്തു.

ജൂണില്‍ സ്വര്‍ണവില ഉയര്‍ന്നത് നിക്ഷേപകര്‍ക്ക്് ഉണര്‍വ് നല്‍കിയിരുന്നു. ആഗോള വിപണിയിലെ വില വ്യതിയാനമാണ് ആഭ്യന്തര വിപണിയിലും പ്രതിഫലിച്ചത്.