മുംബൈ: എയര്‍ഏഷ്യ ഇനി കബാലിയുടെ എയര്‍ലൈന്‍ പാര്‍ട്ണര്‍.ഔദ്യോഗിക എയര്‍ലൈന്‍ പാര്‍ട്ട്ണറായി കരാര്‍ ഒപ്പിട്ട കാര്യം എയര്‍ ഏഷ്യ അധികൃതര്‍ തന്നെയാണ് പത്രക്കുറിപ്പിലൂടെ അറിയിച്ചത്.ചിത്രത്തിന്റെ പ്രമോഷനായി പ്രത്യേക പാക്കേജ് തന്നെയാണ് എയര്‍ ഏഷ്യ യാത്രക്കാര്‍ക്കായി പ്രഖ്യാപിച്ചിരിക്കുന്നത്.

കബാലിയുടെ റിലീസ് ദിനത്തില്‍ ബെംഗളൂരുവില്‍ നിന്നും ചെന്നൈയിലേക്ക് യാത്ര ചെയ്യുന്ന യാത്രക്കാര്‍ക്ക് ചിത്രം കാണാനുള്ള സൗകര്യം ഒരുക്കുകയാണ് എയര്‍ ഏഷ്യയുടെ ഓഫര്‍.ഈ സ്പെഷല്‍ പാക്കേജിന് 7860 രൂപയാണ് ചാര്‍ജ്. കബാലിയുടെ സിനിമാ ടിക്കറ്റ്, ഭക്ഷണം, തിരിച്ചുവരാനുള്ള ടിക്കറ്റ്, ഓഡിയോ സിഡി എന്നിവ ഉള്‍പ്പെടെയാണ് ഈ തുക.ജൂലൈ 15നാണ് കബാലി റിലീസ് ചെയ്യുന്നത്.

രാവിലെ ആറ് മണിക്ക് പുറപ്പെടുന്ന ഫ്ളൈറ്റ് ഏഴ് മണിക്ക് ചെന്നൈയില്‍ എത്തി യാത്രക്കാരെ പിന്നീട് തീയറ്ററില്‍ എത്തിക്കും. ഷോ കഴിഞ്ഞ് മൂന്ന് മണിക്ക് ചെന്നൈയില്‍ നിന്ന് തിരിച്ച് ബെംഗളൂരുവിലേക്ക്. കബാലി സിനിമയുടെ ആദ്യ ദിനം മാത്രമായിരിക്കും ഈ സ്പെഷല്‍ ഫ്ളൈറ്റ്.

ചിത്രത്തിലെ ഏതാനും സ്വീക്വന്‍സുകളില്‍ എയര്‍ ഏഷ്യയുടെ എയര്‍ക്രാഫ്റ്റ് ഉപയോഗിച്ചിട്ടുണ്ടെന്നും എയര്‍ ഏഷ്യ ഇന്ത്യ വക്താവ് അറിയിച്ചു.