കൊച്ചി: കുരുമുളകിന് വില കൂടുന്നു. കഴിഞ്ഞ ഒരാഴ്ചയ്ക്കിടെ കിലോയ്ക്ക് 15 രൂപയാണ് കൂടിയത്.
ഗാര്‍ബിള്‍ഡിന് 729 രൂപയും. രണ്ടാഴ്ചയ്ക്കിടെയുണ്ടായ വിലവര്‍ധന 19 രൂപയാണ്.

ഉല്‍പ്പാദനത്തിലുണ്ടായ ഇടിവാണ് വില കുറയാന്‍ കാരണമായത്.കഴിഞ്ഞ വര്‍ഷം ജൂണില്‍ അണ്‍ഗാര്‍ബിള്‍ഡ് കുരുമുളകിന്റെ ഏറ്റവും ഉയര്‍ന്ന വില കിലോയ്ക്ക് 633 രൂപയായിരുന്നു.

കേരളമടക്കമുള്ള പ്രദേശങ്ങളില്‍ കഴിഞ്ഞ വര്‍ഷത്തെ ഉല്പാദനം 75,000 ടണ്ണായിരുന്നു. ഈ വര്‍ഷം അത് 40,000 ടണ്ണായി കുറഞ്ഞു. ആഭ്യന്തര ഉപയോഗം കൂടുകയും ചെയ്തു.

അന്താരാഷ്ട്ര വിപണിയില്‍ ഇന്ത്യന്‍ മുളകിന്റെ വില ടണ്ണിന് 11,000 ഡോളറായി കുതിച്ചുയര്‍ന്നിട്ടുണ്ട്. ശ്രീലങ്കന്‍ മുളകിന് 9200 ഡോളറാണ് വില. വില കൂടിയ കാരണം അന്താരാഷ്ട്ര വിപണിയില്‍ ഇന്ത്യന്‍ മുളക് പിന്തള്ളപ്പെടുന്ന സാഹചര്യമാണ്.