കൊച്ചി: ബിഎസ്എന്‍എല്‍ വിദ്യാര്‍ത്ഥികള്‍ക്കായി പുതിയ മൊബൈല്‍ പ്ലാന്‍ അവതരിപ്പിച്ചു. വിദ്യാര്‍ഥികള്‍ക്ക് ആകര്‍ഷകമായ നിരക്കില്‍ കോളുകളും ഡേറ്റ ഉപയോഗവും നല്‍കുന്ന പ്ലാനിന്റെ പേരും 'സ്റ്റുഡന്റ് സ്‌പെഷല്‍' എന്നാണ്.

ആദ്യമാസം 1 ജിബി ഡാറ്റ സൗജന്യമായി ലഭിക്കും. ഒരു വര്‍ഷത്തെ കാലാവധിയുണ്ട് പ്ലാനിന്. 118 രൂപയാണ് 'സ്റ്റുഡന്റ് സ്‌പെഷല്‍' പ്ലാനിന് ഈടാക്കുക. ഇതിനൊപ്പം 10 രൂപയ്ക്ക് മുഴുവന്‍ സംസാരമൂല്യവും ലഭിക്കും.

ആദ്യത്തെ രണ്ടുമാസം കേരളത്തിനുള്ളില്‍ ബിഎസ്എന്‍എല്‍ നമ്പറുകളിലേക്ക് മിനിറ്റിന് 10 പൈസ നിരക്കിലും മറ്റ് നമ്പറുകളിലേക്ക് മിനിറ്റിന് 30 പൈസ നിരക്കിലും വിളിക്കാവുന്നതാണ്.

ആദ്യത്തെ രണ്ടുമാസ കാലയളവില്‍ 10 പൈസ നിരക്കില്‍ എസ്എംഎസ് സൗകര്യവും ലഭിക്കും. പുതിയ വരിക്കാര്‍ക്കും പോര്‍ട്ട് ചെയ്യുന്നവര്‍ക്കും ഈ സൗകര്യം ലഭ്യമാവുന്നതാണ്.