സ്വര്‍ണവില വീണ്ടും കുറഞ്ഞു

കൊച്ചി: സ്വര്‍ണവില പവന് 80 രൂപ കുറഞ്ഞു.പവന് 22,240 രൂപ എന്ന നിലയിലാണ് ഇപ്പോള്‍ വ്യാപാരം നടക്കുന്നത്.ഗ്രാമിന് 2780 രൂപയാണ് നിരക്ക്.

കഴിഞ്ഞ ദിവസം സ്വര്‍ണവില പവന് 320 രൂപ കുറഞ്ഞ് 22,320 രൂപയായിരുന്നു. 22,640 രൂപയാണ് പവന് ജൂണ്‍ മാസത്തിലെ ഏറ്റവും ഉയര്‍ന്ന വില.

യൂറോപ്യന്‍ യൂണിയനില്‍ നിന്നും ബ്രിട്ടന്റെ പിന്‍മാറ്റത്തെ സംബന്ധിച്ച ഹിത പരിശോധനാഫലം പുറത്തു വന്നതോടെ സ്വര്‍ണ വില കുതിച്ചുകയറിയിരുന്നു.

ബ്രക്‌സിറ്റ് ആഘാതം കഴിഞ്ഞ ആഗോള വിപണിയില്‍ വിലയിടിഞ്ഞതാണ് ആഭ്യന്തര വിപണിയിലും പ്രതിഫലിച്ചത്.