കൊച്ചി: തക്കാളിക്ക് വില കുറയുന്നു.ഏപ്രില്‍-ജൂണ്‍ മാസത്തില്‍ കിലോവിന് 120 രൂപ വരെ ഉയര്‍ന്ന തക്കാളി വില ഇപ്പോള്‍ കിലോഗ്രാമിന് 40 രൂപയായി താഴ്ന്നു.

ഇപ്പോള്‍ 40 രൂപ മുതല്‍ 60 രൂപ വരെ വിലയിലാണ് തക്കാളി വില്‍പന നടക്കുന്നത്. തക്കാളിത്തോട്ടങ്ങളില്‍ വരള്‍ച്ചയും പിന്നീടുണ്ടായ കനത്ത മഴയുമാണ് വിലക്കയറ്റത്തിന് കാരണമായത്.

ഉള്ളി,പച്ചമുളക്,ബീന്‍സ് തുടങ്ങി വിപണിയില്‍ മിക്ക പച്ചക്കറികള്‍ക്കും വില കയറിയിരുന്നു.

100 രൂപയായിരുന്ന ബീന്‍സിനിപ്പോള്‍ വില 50 രൂപയായിട്ടുണ്ട്. വരും ദിവസങ്ങളില്‍ ഇനിയും പച്ചക്കറി വില കുറയാന്‍ സാധ്യതയുണ്ടെന്നാണ് കച്ചവടക്കാര്‍ അറിയിക്കുന്നത്.