ദോഹ: ഇന്ത്യന്‍ വിമാനക്കമ്പനിയായ ജെറ്റ് എയര്‍വേയ്‌സില്‍ ഈദുല്‍ഫിത്തറിന് പ്രത്യേക നിരക്കിളവ്. ഈദുല്‍ഫിത്തറും വേനലവധിയും ഒരുമിച്ച് വന്നതോടെ വിമാനക്കമ്പനികള്‍ നിരക്ക് ക്രമാതീതമായി വര്‍ധിപ്പക്കുമ്പോഴാണ് ജെറ്റ് എയര്‍വേയ്‌സില്‍ അഞ്ച് ദിവസത്തേക്ക് നിരക്കിളവ്.

ഇന്ത്യയില്‍ എല്ലായിടത്തേക്കും അടിസ്ഥാനനിരക്കില്‍ പത്തുശതമാനം ഇളവുലഭിക്കുമെന്ന് ജെറ്റ് എയര്‍വെയ്സ് അധികൃതര്‍ അറിയിച്ചു. ഓണ്‍ലൈന്‍ വഴി ടിക്കെറ്റെടുക്കുന്നവര്‍ക്കാണ് ആനുകൂല്യം ലഭിക്കുക.

നേരിട്ടുള്ള വിമാനങ്ങള്‍ക്കാണ് ഓഫര്‍ ബാധകം. ജൂലായ് നാല് മുതല്‍ എട്ട വരെ പ്രീമിയര്‍,എക്കണോമി ക്ലാസുകളില്‍ ടിക്കറ്റ് ബുക്ക് ചെയ്യുന്നവര്‍ക്ക് ഇളവ് നേടാം.

ഇന്ത്യയിലേക്ക് മാത്രമല്ല ആസിയാന്‍,സാര്‍ക്ക് രാജ്യങ്ങളിലേക്കും നിരക്കിളവുണ്ട്. ദോഹയില്‍ നിന്ന ഡല്‍ഹിയിലേക്കിപ്പോള്‍ ജെറ്റ് എയര്‍വേയ്‌സിന്റെ പുതിയ സര്‍വീസുണ്ട്.