കൊച്ചി: സംസ്ഥാനത്ത് വ്യാഴാഴ്ച സ്വര്‍ണവില കുറഞ്ഞു.ഒരുഗ്രാം സ്വര്‍ണത്തിന് 10 രൂപയും പവന് 80 രൂപയുമാണ് കുറഞ്ഞത്. പവന്റെ വില 22,640 രൂപയായി. ഗ്രാമിന് 2830 രൂപയാണ്. അന്താരാഷ്ട്ര വിപണിയില്‍ വില വിത്യാസപ്പെട്ടതാണ് വിലയിടിവിന് കാരണം.

ഇന്നലെ സ്വര്‍ണ്ണവിലയില്‍ വന്‍ കുതിപ്പാണ് നടന്നത്. കഴിഞ്ഞ 28 മാസത്തിനിടയിലെ ഏറ്റവും ഉയര്‍ന്ന നിരക്കിലായിരുന്നു സ്വര്‍ണ്ണത്തിന്റെ വില.

കേരള വിപണിയിലും സ്വര്‍ണവിലയില്‍ വന്‍ വര്‍ധനവാണ് രേഖപ്പെടുത്തിയത്. പവന് 22,720 രൂപ എന്ന നിരക്കിലായിരുന്നു കഴിഞ്ഞ ദിവസം സ്വര്‍ണത്തിന്റെ വില.

മാസാരംഭത്തില്‍ കേരളത്തില്‍ സ്വര്‍ണവിലയില്‍ വന്‍ ഇടിവായിരുന്നു രേഖപ്പെടുത്തിയത്. 22,320 എന്ന നിലയില്‍ നിന്നുമാണ് 22,720 എന്ന നിലയിലേക്ക് കേരള വിപണിയില്‍ കഴിഞ്ഞ ദിവസം സ്വര്‍ണവില കുതിച്ചുയര്‍ന്നത്.