ന്യൂഡല്ഹി: എന്ഫീല്ഡ് ആക്സസറീസിനായി ഇനി കാത്തിരിക്കേണ്ട. ഇരുചക്ര വാഹന നിര്മ്മാതാക്കളായ റോയല് എന്ഫീല്ഡും ഇ കൊമേഴ്സ് കമ്പനിയുമായ ഫ്ളിപ്കാര്ട്ടും കൈകോര്ക്കുന്നു. എന്ഫീല്ഡ് ആക്സസറീസും ബ്രാന്ഡഡ് ഗിയറുകളും ഇനിമുതല് ഫ്ളിപ്കാര്ട്ടിലൂടെ വാങ്ങിക്കാം.
നിലവില് കമ്പനിയുടെ ഓണ്ലൈന് സ്റ്റോറുകളിലൂടേയും ന്യൂഡല്ഹി, മുംബൈ, ബെംഗളൂര്, ചണ്ഡീഗഡ്, അമൃത്സര്, പൂനെ എന്നീ നഗരങ്ങളിലെ എക്സ്ക്ലൂസീവ് സ്റ്റോറുകളിലൂടെയുമാണ് വില്പ്പന നടത്തിയിരുന്നത്.ഇതാദ്യമായാണ് എന്ഫീല്ഡ് തങ്ങളുടെ ഉല്പ്പന്നങ്ങള് വില്ക്കാന് മറ്റൊരു കമ്പനിയുമായി ധാരണയിലെത്തുന്നത്.
ഉപഭോക്താക്കളുടെ വാങ്ങല് രീതി മാറുന്ന സാഹചര്യത്തിലാണ് ഫ്ളിപ്കാര്ട്ടുമായി സഹകരിക്കാന് തീരുമാനിച്ചതെന്നാണ് എന്ഫീല്ഡ് ബിസിനസ് തലവന് സാമ്രാട്ട് സോം പറഞ്ഞത്.
പുതിയ 100 ഓണ്ലൈന് സ്റ്റോറുകള് കൂടി ആരംഭിക്കും. നിലവില് 350 നഗരങ്ങളിലായി 550 ഡീലേഴ്സ് ആണ് എന്ഫീല്ഡിനുള്ളത്.