വിമാനം വൈകിയാല്‍ താമസസൗകര്യം

വിമാനകമ്പനിയുടെ പിഴവുമൂലം വിമാനം ആറു മണിക്കൂറിലധികം വൈകിയാല്‍ , അടുത്ത വിമാനം യാത്രക്ക് തയ്യാറാകുന്നത് വരെ എല്ലാ യാത്രക്കാര്‍ക്കും താമസ സൗകര്യം നല്‍കണം ,ഓരോ യാത്രക്കാരനും 370 റിയാല്‍( ഏകദേശം 6,500 രൂപ) വീതം വിമാന കമ്പനികള്‍ നല്‍കണം.
കാത്തിരിക്കാന്‍ നിര്‍ബന്ധിതരാകുന്ന യാത്രക്കാര്‍ക്ക് ആദ്യ മണിക്കൂര്‍ പിന്നിടുമ്പോള്‍ കുടിക്കാന്‍ ശീതള പാനീയം നല്‍കണം, മൂന്നു മണിക്കൂറിലധികം കാത്തിരിക്കേണ്ടി വരുന്ന യാത്രക്കാര്‍ക്ക് ഭക്ഷണം നല്‍കണം തുടങ്ങിയ നിബന്ധനകളാണ് വ്യോമയാന മന്ത്രാലയം ഇറക്കിയിരിക്കുന്നത്.

വിമാനം വൈകിയാല്‍ നഷ്ടപരിഹാരം

വിമാനക്കമ്പനിയുടെ തെറ്റ് കാരണം വിമാനം വൈകിയാല്‍ ഓരോ യാത്രക്കാരനും 370 റിയാല്‍ (ഏകദേശം 6,500 രൂപ) വീതം കമ്പനികള്‍ നല്‍കണം.

ലഗേജ് നഷ്ടപ്പെട്ടാല്‍ നഷ്ടപരിഹാരം

വിമാന കമ്പനിയുടെ പിഴവുമൂലം ലഗേജുകള്‍ നഷ്ടമാകുന്ന യാത്രക്കാര്‍ക്ക് വിമാന കമ്പനി നഷ്ടപരിഹാരം നല്‍കേണ്ടി വരും. ആഭ്യന്തര യാത്രക്കാരനാണെങ്കില്‍ 1,700 റിയാലും (ഏകദേശം 30,000 രൂപ ) , രാജ്യാന്തര യാത്രക്കാരനാണെങ്കില്‍ 2,800 റിയാലും (ഏകദേശം 50,000 രൂപ ) നല്‍കണമെന്നാണ് മാര്‍ഗനിര്‍ദേശ രേഖയില്‍ നിഷ്‌കര്‍ഷിക്കുന്നത്. പരമാവധി 5,900 റിയാല്‍ (ഏകദേശം 106,000 രൂപ )വരെ നഷ്ടപരിഹാരം ലഭിക്കും.

സര്‍വീസ് റദ്ദാക്കിയാല്‍

മുന്‍കൂട്ടി നിശ്ചയിച്ച സര്‍വീസുകള്‍ റദ്ദാക്കുകയാണെങ്കില്‍ 21 ദിവസം മുന്‍പേ യാത്രക്കാരെ ആ വിവരം അറിയിച്ചിരിക്കണം .വികലാംഗര്‍ക്ക് നിശ്ചയിച്ച സേവനങ്ങള്‍ നിഷേധിക്കപ്പെട്ടാല്‍ ടിക്കറ്റ് നിരക്കിന്റെ രണ്ടിരട്ടി പിഴ ഒടുക്കണം. യാത്രക്കാര്‍ക്ക് നല്‍കേണ്ടി വരുന്ന നഷ്ടപരിഹാരത്തിന് പുറമേ 10,000 റിയാല്‍ (ഏകദേശം 1,80,000 രൂപ ) മുതല്‍ 25,000 റിയാല്‍(ഏകദേശം 4,50,000 രൂപ ) വരെ വിമാന കമ്പനികള്‍ പിഴയും അടക്കേണ്ടി വരും.