ന്യൂഡല്‍ഹി: ഫ്രഞ്ച് വാഹനനിര്‍മ്മാതാക്കളായ റെനോള്‍ഡിന്റെ കുഞ്ഞന്‍ കാര്‍ ക്വിഡ് റോഡുകള്‍ കീഴടക്കുന്നു.റെനോയുടെ ഏറ്റവും വില കുറഞ്ഞ മോഡലാണ് ക്വിഡ്.

സെപ്റ്റംബറില്‍ പുറത്തിറക്കിയ ക്വിഡ് നേടിയത് 1.5 ലക്ഷം ഓര്‍ഡറുകളാണ്. ഇത്ര ചെറിയ കാലയളവിനുള്ളില്‍ ഉപയോക്താക്കള്‍ക്കിടയില്‍ മികച്ച പേരുണ്ടാക്കിയെടുക്കാന്‍ സാധിച്ച ക്വിഡ് ഇന്ത്യന്‍ കാര്‍ വിപണിയെ കീഴടക്കുമെന്നാണ് കണക്കാക്കപ്പെടുന്നത്.

2016 ലെ ആദ്യ പകുതിയില്‍ ഇന്ത്യ, മിഡില്‍ ഈസ്റ്റ്, ആഫ്രിക്കന്‍ വിപണികളെ മാത്രമായിരുന്നു. ഈ മേഖലയില്‍ നിന്നുമായി 2,08,690 യൂണിറ്റുകളുടെ വില്‍പ്പനയാണ് കമ്പനിക്ക് ലഭിച്ചത്.

ഇന്ത്യയില്‍ നിന്നും മാത്രമായി 61,895 യൂണിറ്റുകളുടെ വില്‍പ്പനയാണ് ഇതേ കാലയളവില്‍ കമ്പനിക്ക് ലഭിച്ചത്. ഇന്ത്യന്‍ വിപണിയുടെ 3.8 ശതമാനം സ്വന്തമാക്കാനും കമ്പനിക്ക് സാധിച്ചു.