ഇന്ത്യക്കാരുടെ സ്വര്‍ണപ്രിയം കുറഞ്ഞോ?

ന്യൂഡല്‍ഹി: ഇന്ത്യക്കാരുടെ സ്വര്‍ണഭ്രമം കുറഞ്ഞോ?.സ്വര്‍ണ്ണം വാങ്ങിക്കൂട്ടുന്നതില്‍ ഇന്ത്യക്കാര്‍ പുറകോട്ടു പോയിരിക്കുകയാണ്. ഇന്ത്യയിലേക്കുള്ള സ്വര്‍ണ്ണത്തിന്റെ ഇറക്കുമതി മുമ്പത്തേതിനെ അപേക്ഷിച്ച് പകുതിയായി കുറഞ്ഞിരിക്കുകയാണെന്ന് കണക്കുകള്‍.

ജൂണ്‍ വരെയുള്ള കണക്കുകള്‍ അനുസരിച്ച് ടണ്‍ സ്വര്‍ണ്ണമാണ് ഇന്ത്യയിലേക്ക് എത്തിയിരിക്കുന്നത്. 2014ല്‍ 349 ടണ്ണും, കഴിഞ്ഞ വര്‍ഷം 419 ടണ്‍ സ്വര്‍ണ്ണമാണ് ഇറക്കുമതി ചെയ്തത്.

രാജ്യത്ത് എത്തിയ സ്വര്‍ണ്ണമെല്ലാം ഇന്ത്യക്കാര്‍ വാങ്ങിക്കൂട്ടിയതാണെന്ന ധാരണ തെറ്റാണെന്നും രേഖകള്‍ തെളിയിക്കുന്നു. പ്രതിമാസം 15 മുതല്‍ 20 ടണ്‍ വരെ സ്വര്‍ണ്ണാഭരണങ്ങള്‍ വിദേശത്തേക്ക് കയറ്റുമതി ചെയ്യുന്നുണ്ട്.

മാര്‍ച്ച് മാസത്തിലാണ് ഇറക്കുമതിയില്‍ ഏറ്റവും വലിയ കുറവ് വന്നത്. ഇറക്കുമതി നികുതിക്കെതിരെ ജ്വല്ലറി ഉടമകള്‍ നടത്തിയ സമരമാണ് ഈ താഴ്ചയ്ക്ക് കാരണം. 2011ലാണ് അടുത്തിടെ ഏറ്റവും കൂടുതല്‍ സ്വര്‍ണ്ണ ഇറക്കുമതി നടന്നിട്ടുള്ളത്. 723 ടണ്‍ സ്വര്‍ണ്ണമാണ് ഈ കാലയളവില്‍ നമ്മുടെ വിപണിയില്‍ എത്തിയിരുന്നത്.