ഏറെക്കാത്തിരിക്കുന്ന റിലയന്സ് ജിയോ 4ജി സേവനങ്ങള് അടുത്ത മാസം മുതല് ലഭിക്കും. റിലയന്സിന്റെ ഉടമസ്ഥതയിലുള്ള ടെലികോം കമ്പനിയുടെ പ്ലാനിന് ഫ്രീഡം എന്നാണ് പേരിടുക.
സ്വാതന്ത്ര്യ ദിനത്തിലാണ് മുകേഷ് അംബാനിയുടെ നേതൃത്വത്തിലുള്ള റിലയന്സ് ഇന്ഡസ്ട്രീസ് ജിയോയുടെ 4 ജി സേവനങ്ങള് ഔദ്യോഗികമായി ആരംഭിക്കുക.
ഫ്രീഡം ഓഫറുകള്
ഡാറ്റാ ഓഫറുകള്,വോയ്സ് ഓഫറുകള് എന്നിവ ഇപ്പോഴുള്ളതിനേക്കാള് 25 ശതമാനം കുറഞ്ഞ നിരക്കില് അവതരിപ്പിക്കാനാണ് പദ്ധതി. 80 രൂപയ്ക്ക് ലഭിക്കുന്ന 1 ജിബി പായ്ക്കിലാണ് സൗജന്യ വോയ്സ് കോള് സൗകര്യം ലഭിക്കുക.
എതിരാളികള്
എയര്ടെല്,വോഡഫോണ്,ഐഡിയ സെല്ലുലാര് എന്നിവയായിരിക്കും ജിയോയുടെ എതിരാളികള്. ഈ കമ്പനികളുടെ വരുമാനത്തിന്റെ 80 ശതമാനവും വോയ്സ് കോളിലൂടെയാണ് ലഭിക്കുന്നത്.
നമ്പറുകള്
സേവനം തുടങ്ങാനിരിക്കുന്ന റിലയന്സ് ജിയോ ഇന്ഫോകോമിന് ടെലികോം വകുപ്പ് നമ്പറുകള് അനുവദിച്ചു. ജിയോ ഇന്ഫോകോമിന് 2.2 കോടി നമ്പരുകളാണ് ആദ്യ ഘട്ടത്തില് അനുവദിച്ചിരിക്കുന്നത്.
ലൈസന്സ്
രാജ്യത്തൊട്ടാകെ 4ജി ടെലികോം സേവനം ലഭ്യമാക്കാന് ലൈസന്സ് ലഭിച്ചിട്ടുള്ള ഒരേയൊരു കമ്പനിയാണ് റിലയന്സ് ജിയോ ഇന്ഫോ.കോം.
2ജി,3ജി
യൂണിഫൈഡ് ടെലികോം ലൈസന്സും ലഭിച്ചിട്ടുണ്ട്. ഈ സാഹചര്യത്തില് ഭാവിയില് 2ജി, 3ജി സേവനങ്ങളും അവതരിപ്പിക്കാന് കമ്പനിക്ക് അവസരമുണ്ടായിരിക്കും.