സ്വര്‍ണബോണ്ട് പദ്ധതി

സ്വര്‍ണത്തിന്റെ അതേ മൂല്യത്തില്‍ ബോണ്ടുകള്‍ വാങ്ങാനും നിശ്ചിത പലിശ നേടാനും സാധിക്കുന്ന പദ്ധതിയാണിത്.

ആദായനികുതിയില്ല

ബോണ്ട് തിരിച്ച് നല്‍കുമ്പോള്‍ വ്യക്തികള്‍ക്ക് നല്‍കുന്ന നിര്‍ദിഷ്ട തുകയ്ക്ക് മേല്‍ മൂലധന ആദായനികുതി ചുമത്തുകയില്ലായെന്നതാണ് ഈ പദ്ധതിയുടെ മറ്റൊരു ആകര്‍ഷണീയത.

ജൂലായ് 18 മുതല്‍

ഈ പദ്ധതിയുടെ നാലാംഘട്ടത്തിനാണ് തിങ്കളാഴ്ച തുടക്കമാകുക. ജൂലായ് 22 വരെ ബോണ്ടുകള്‍ക്കുളള അപേക്ഷകള്‍ സ്വീകരിക്കുമെന്നും, ആഗസ്റ്റ് അഞ്ചിന് ബോണ്ട് സര്‍ട്ടിഫിക്കറ്റുകള്‍ നല്‍കുമെന്നും സര്‍ക്കാര്‍ വ്യത്തങ്ങള്‍ അറിയിച്ചു.

കാലാവധി

അഞ്ച് വര്‍ഷം മുതല്‍ ഏഴു വര്‍ഷം വരെയാണ് ഓരോ ബോണ്ടിന്റെയും കാലാവധി.

എത്ര അളവില്‍ വാങ്ങാം

അഞ്ച്, പത്ത്, അന്‍പത്, നൂറ് ഗ്രാമുകളായി തരംതിരിച്ചാണ് സ്വര്‍ണബോണ്ടുകള്‍ അനുവദിക്കുക.

പലിശ

നിക്ഷേപസമയത്തെ സ്വര്‍ണത്തിന്റെ വില കണക്കിലെടുത്താണ് പലിശ നിരക്ക് നിശ്ചയിക്കുക.

നിക്ഷേപത്തിന് പരിധി

ഒരു വര്‍ഷം ഒരു വ്യക്തിക്ക് നിക്ഷേപം നടത്താന്‍ കഴിയുന്ന പരിധിയും സര്‍ക്കാര്‍ നിശ്ചയിച്ചിട്ടുണ്ട്. പരമാവധി 500 ഗ്രാം വരെ മാത്രം നിക്ഷേപം നടത്താനേ ഈ പദ്ധതി വഴി സാധിക്കു.

മൂന്നാം ഘട്ടത്തില്‍ നിരാശ

മാര്‍ച്ചില്‍ നടന്ന മൂന്നാംഘട്ട സ്വര്‍ണ ബോണ്ട് പദ്ധതി സര്‍ക്കാരിന് നിരാശയാണ് സമ്മാനിച്ചത്. 1128 കിലോഗ്രാം സ്വര്‍ണത്തിന് തുല്യമായ ബോണ്ടുകള്‍ മാത്രമാണ് നിക്ഷേപകര്‍ വാങ്ങിയത്. 329 കോടി രൂപയാണ് ഇത് വഴി സര്‍ക്കാര്‍ സമാഹരിച്ചത്.