കൊച്ചി: ബ്രാന്‍ഡിംഗിലും പുതിയ മാതൃകകള്‍ സൃഷ്ടിച്ച കബാലി റിലീസടുത്തിരിക്കെ രജനികാന്തിന്റെ മുഖം ആലേഖനം ചെയ്ത വെള്ളിനാണയത്തിന് ആവശ്യക്കാരേറുന്നു. ലക്കി സൂപ്പര്‍ സ്റ്റാറിനെ കൂടെ കൂട്ടു എന്ന കാമ്പയിനുമായിട്ടാണ് കബാലി സിനിമയുടെ കോ-സ്പോണ്‍സര്‍മാരായ മുത്തൂറ്റ് ഫിന്‍കോര്‍പ്പ് സൂപ്പര്‍ സ്റ്റാര്‍ രജനികാന്തിന്റെ മുഖം ആലേഖനം ചെയ്ത വെളളി നാണയം പുറത്തിറക്കിയത്.

മുത്തൂറ്റിന്റെ ഫിന്‍കോര്‍പ്പിന്റെ ശ്വേതവര്‍ഷം കാമ്പയിനിന്റെ ഭാഗമായാണ് വെളളിനാണയം പുറത്തിറക്കിയത്. അഞ്ച് ഗ്രാം, പത്ത് ഗ്രാം, 20 ഗ്രാം വീതമുള്ള വെള്ളിനാണയങ്ങളും പത്ത് ഗ്രാമിന്റെ ലോക്കറ്റുകളുമാണ് പുറത്തിറക്കിയത്.

ആരാധകര്‍ ഇതിനകം ഇരുപത് കിലോഗ്രാം വെള്ളിനാണയം ബുക്ക് ചെയ്തു കഴിഞ്ഞു. കേരളം ഉള്‍പ്പടെ രാജ്യത്തുടനീളമുള്ള മുത്തൂറ്റ് ഫിന്‍കോര്‍പ്പിന്റെ 3800 ശാഖകളിലൂടെയാണ് വിപണനം നടത്തുന്നത്.

അഞ്ച് ഗ്രാം വെള്ളി നാണയത്തിന് 350 രൂപയും പത്ത് ഗ്രാമിന് 700 രൂപയും 20 ഗ്രാമിന് 1400 രൂപയുമാണ് വില. പത്ത് ഗ്രാം വെള്ളി ലോക്കറ്റിന് 700 രൂപയാണ് ഈടാക്കുന്നത്.തങ്ങളുടെ ഇഷ്ടതാരത്തിന്റെ ഓര്‍മ എന്നെന്നും സൂക്ഷിക്കാനുള്ള അവസരമാണ് മുത്തൂറ്റ് ഫിന്‍കോര്‍പ്പ് വെളളി നാണയത്തിലൂടെ ഒരുക്കിയതെന്ന് മുത്തൂറ്റ് പാപ്പച്ചന്‍ ഗ്രൂപ്പ് ഡയറക്ടര്‍ തോമസ് ജോര്‍ജ് മുത്തൂറ്റ് പറഞ്ഞു.