കൊച്ചി: എയര്‍ഇന്ത്യയോട് മത്സരിക്കാന്‍ പുതിയ ടിക്കറ്റ് നിരക്കുകളുമായി ജെറ്റ് എയര്‍വേസ്. രാജധാനി എക്‌സ്പ്രസ് ട്രെയിനിന്റെ രണ്ടാം ക്ലാസ് എസി ടിക്കറ്റുകളുടെ നിരക്കില്‍ എയര്‍ഇന്ത്യ ടിക്കറ്റുകളുടെ വില കുറച്ചതിനെത്തുടര്‍ന്നാണ് ജെറ്റ് എയര്‍വേസിന്റെ പുതിയ നീക്കം.

ഫെയര്‍ ചോയ്‌സ് എന്ന സ്‌കീമില്‍ ജെറ്റ് എയര്‍വേസില്‍ ഇക്കോണമി,പ്രീമിയര്‍ ക്ലാസുകളില്‍ പുതിയ എട്ടു നിരക്കുകള്‍ ആഗസ്റ്റ് 17 മുതല്‍ അവതരിപ്പിക്കും.

ഇക്കോണമി ക്ലാസില്‍ ഡീല്‍,സേവര്‍,ക്ലാസിക്,ഫ്‌ളെക്‌സ് എന്നീ ശ്രേണികളിലും ഫസ്റ്റ് ക്ലാസില്‍ ഫാമിലി ഫസ്റ്റ് എന്ന ശ്രേണിയിലും ടിക്കറ്റ് വാങ്ങാം.

ആഭ്യന്തര സര്‍വീസുകളില്‍ ജൂണ്‍ മുതല്‍ ഒക്ടോബര്‍ വരെയുള്ള സമയം ഓഫ്‌സ സീസണായാണ് കണക്കാക്കുന്നത്. ഇത് മറികടക്കാനും യാത്രക്കാരെ കൂടുതല്‍ ആകര്‍ഷിക്കാനുമാണ് കമ്പനി ഫെയര്‍ ചോയ്‌സിലൂടെ ലക്ഷ്യമിടുന്നത്.