മുംബൈ: ഹോണ്ട ആക്ടീവ ഇരുചക്ര വാഹന വിപണി പിടിക്കുന്നു. 2016ല്‍ ആദ്യത്തെ ആറുമാസത്തെ വില്‍പ്പനയില്‍ ഹോണ്ട ആക്ടീവയാണ് ഒന്നാമതെത്തിയിരിക്കുന്നത്. 17 വര്‍ഷക്കാലമായി ഹീറോ സ്പ്ലെന്‍ഡര്‍ മോട്ടോര്‍ ബൈക്ക് തുടര്‍ച്ചയായി നേടിയ റെക്കോര്‍ഡ് തകര്‍ത്താണ് ആക്ടീവയുടെ ഈ നേട്ടം.

13,38,015 ആക്ടീവ യൂണിറ്റുകളാണ് ഇക്കാലയളവില്‍ ഹോണ്ട വിറ്റഴിച്ചത്. അതേസമയം ഹീറോ മോട്ടോ കോപ്പിന്റെ സ്പ്ലെന്‍ഡര്‍ 12,33,725 യൂണിറ്റിലൊതുങ്ങി.

രാജ്യത്തെ മൊത്തം വാഹന വിപണിയിലെ 15 ശതമാനം വിപണി വിഹിതവും ഹോണ്ട ആക്ടീവയ്ക്കാണ്.

കഴിഞ്ഞ വര്‍ഷം ഇതേ കാലയളവില്‍ ഒന്നാമതായിരുന്ന സ്പ്ലെന്‍ഡറിന്റെ വില്‍പ്പന 12,34,559 യൂണിറ്റും ആക്ടീവ 11,40,720 യൂണിറ്റുമായി തൊട്ടുപിന്നിലുമായിരുന്നു. ചെറിയ കാലയളവിനുള്ളില്‍ ജനങ്ങള്‍ക്കിടയില്‍ നല്ല സ്വീകാര്യത ലഭിച്ച സ്‌കൂട്ടറാണ് ആക്ടീവ.