മുംബൈ: സ്വര്‍ണത്തിനെ തോല്‍പ്പിക്കാന്‍ പുതിയ ലോഹം.അന്താരാഷ്ട്ര തലത്തിലുള്ള ജ്വല്ലറി അസോസിയേഷനായ ലീഡിംഗ് ജ്വല്ലേഴ്‌സ് ഓഫ് ദ വേള്‍ഡാണ് സ്വര്‍ണത്തേക്കാളും പ്ലാറ്റിനത്തേക്കാളും വില കുറഞ്ഞ പുതിയ ലോഹം 'ലുമിനക്‌സ് യുനോ' അവതരിപ്പിച്ചത്.

നിക്ഷേപകര്‍ക്കും ആഭരണപ്രേമികള്‍ക്കും ഏറെ നേട്ടമായിരിക്കും 'ലുമിനക്‌സ് യുനോ' എന്നാണ് LJOW യുടെ പക്ഷം. 95.5% പരിശുദ്ധമായ ലോഹങ്ങളാണ് ഇതിലടങ്ങിയിരിക്കുന്നത്.

10 ഗ്രാമിന് 1250 രൂപ വിലയുള്ള ലൂമിനെക്‌സില്‍ ഏത് ഡിസൈനിലും ആഭരണങ്ങളുണ്ടാക്കാം. തിരഞ്ഞെടുത്ത 50 നഗരങ്ങളിലാണ് ആദ്യം ലുമിനക്‌സ് യുനോ ലഭ്യമാവുക.

തിരിച്ചു വാങ്ങല്‍ സൗകര്യവും ട്രേഡ് നടത്താനുള്ള സവിശേഷതയുമുള്ളതിനാല്‍ ആകര്‍ഷകമായ ഒരു നിക്ഷേപ മാര്‍ഗമാണ് 'ലുമിനക്‌സ് യുനോ' എന്ന LJOW ഡയറക്ടര്‍ സഞ്ജീവ് അഗര്‍വാള്‍ അറിയിച്ചു.