കൊച്ചി: സ്വര്‍ണവില കുതിക്കുന്നു.സ്വര്‍ണത്തിന് 80 രൂപ വര്‍ധിച്ച് പവന് 23,120 രൂപയായി. 2890 രൂപയാണ് ഗ്രാമിന് വില.

സ്വര്‍ണത്തിന് ഇന്നലെ പവന് 80 രൂപ കൂടി് 23,040 രൂപയിലെത്തിയിരുന്നു. ഗ്രാമിന് 10 രൂപ കൂടി 2,880 രൂപയിലാണ് വ്യാപാരം നടന്നത്. മൂന്ന് വര്‍ഷത്തിനിടെ ആദ്യമായാണ് ഇന്നലെ സ്വര്‍ണവില 23,000 കടന്നത്.

മഞ്ഞലോഹത്തിന് പെട്ടന്ന് വില ഉയര്‍ന്നത് ആവശ്യക്കാരെ പ്രതിസന്ധിയിലാക്കും. കേരളത്തില്‍ പ്രത്യേകിച്ചും വിവാഹ സീസണ്‍ ആരംഭിക്കാനിരിക്കെ ഇനിയും സ്വര്‍ണത്തിന് ഡിമാന്റ് ഉയരാനാണ് സാധ്യത.

ആഗോള വിപണിയില്‍ സ്വര്‍ണവിലയിലുണ്ടായ വ്യതിയാനമാണ് ശനിയാഴ്ചയും ആഭ്യന്തര വിപണിയില്‍ വില കൂടാന്‍ കാരണമായത്.