കൊച്ചി: ശമ്പള വര്ധന ആഗസ്റ്റ് മുതല് നിലവില് വരും. ഏഴാം ശമ്പള കമ്മിഷന് ശുപാര്ശ പ്രകാരമുള്ള പുതുക്കിയ ശമ്പളത്തോടൊപ്പം മുഴുവന് കുടിശികയും കേന്ദ്ര സര്ക്കാര് ജീവനക്കാര്ക്ക് ആഗസ്റ്റ് മാസത്തെ ശമ്പളത്തോടൊപ്പം നല്കാന് ധനമന്ത്രാലയം തീരുമാനിച്ചു.
ജനുവരി ഒന്നു മുതലുള്ള എട്ടു മാസത്തെ കുടിശികയാകും ആഗസ്റ്റ് മാസത്തെ ശമ്പളത്തോടൊപ്പം കിട്ടുക. പുതിയ നിയമമനുസരിച്ച് 2015 ഡിസംബര് 31ലെ ബേസിക് പേയ്ക്കൊപ്പം ഇപ്പോഴുള്ള ബേസിക് പേ 2.57 ഗുണിച്ചാണ് നവീകരിക്കുക. Read Also: ഏഴാം ശമ്പളക്കമ്മീഷന്: നിങ്ങളറിഞ്ഞിരിക്കേണ്ട 10 കാര്യങ്ങള്
33 ലക്ഷം കേന്ദ്ര സര്ക്കാര് ജീവനക്കാര്ക്കും, 14 ലക്ഷം പ്രതിരോധ സേനാംഗങ്ങള്ക്കും 52 ലക്ഷം പെന്ഷന്കാര്ക്കുമാണ് പുതിയ നീക്കം ഗുണപ്രദമാവുക.
ശമ്പള കമ്മിഷന് ശുപാര്ശകള് നടപ്പാക്കാന് കഴിഞ്ഞ ദിവസം കേന്ദ്ര ധനമന്ത്രാലയം വിജ്ഞാപനം ഇറക്കിയിരുന്നു. അതിന് പിന്നാലെയാണ് കുടിശ്ശിക ഒറ്റത്തവണയായി ജീവനക്കാര്ക്ക് നല്കാനുള്ള തീരുമാനവും ധനമന്ത്രാലയം എടുത്തത്.