ഫ്രീഡം 251

ഇക്കഴിഞ്ഞ ഫെബ്രുവരിയിലാണ് ലോകത്തിലെ ഏറ്റവും വിലകുറഞ്ഞ സ്മാര്‍ട്് ഫോണെന്ന അവകാശ വാദവുമായി നോയിഡ ആസ്ഥാനമായുള്ള റിംഗിംഗ് ബെല്‍സ് കമ്പനി ഫ്രീഡം 251 സ്മാര്‍ട് ഫോണിന്റെ ബുക്കിംഗിനു തുടക്കമിട്ടത്. പേര് സൂചിപ്പിക്കും പോലെ 251 രൂപയായിരുന്നു വില. ഈ വിലയ്ക്ക് ഫോണ്‍ വില്‍ക്കാനാവില്ലെന്നും തട്ടിപ്പുണ്ടാവുമെന്നും ചൂണ്ടിക്കാട്ടി വിമര്‍ശകര്‍ രംഗത്തെത്തിയതോടെ കമ്പനി ബുക്കിംഗ് നിറുത്തിവച്ചു. ബുക്ക് ചെയ്തവര്‍ക്ക് പണം തിരിച്ചും നല്‍കിയിരുന്നു.ജൂലായിലാണ് പിന്നീട് വിതരണമാരംഭിച്ചത്.

ഫോണിന് 290 രൂപ

കാഷ് ഓണ്‍ ഡെലിവറിയായി അയക്കുന്ന ഫോണ്‍ സ്വീകരിക്കാന്‍ 290 രൂപയാണ് നല്‍കേണ്ടത്. ഫോണ്‍ വിലയായ 251 രൂപയ്ക്കുപുറമെ, 40 രൂപ ഷിപ്പിങ് നിരക്കാണ്.

സര്‍ക്കാരിന് കത്ത്

നേരത്തേ ഫ്രീഡം 251 ഫോണുകള്‍ വിപണിയിലിറക്കാന്‍ പ്രധാനമന്ത്രിയുടെ സഹായം തേടി റിംഗിംഗ് ബെല്‍സ് സിഇഒ മോഹിത് ഗോയല്‍ കത്തയച്ചിരുന്നു. സര്‍ക്കാര്‍ 50,000 കോടി രൂപ അനുവദിക്കുകയാണെങ്കില്‍ 7.5 കോടി ജനങ്ങള്‍ക്ക് 251 രൂപയ്ക്ക് സ്മാര്‍ട്ട്‌ഫോണ്‍ എത്തിക്കാമെന്നായിരുന്നു കത്തിന്റെ ഉള്ളടക്കം.

500ലധികം സര്‍വീസ് സെന്ററുകള്‍

ഫോണ്‍ പുറത്തിറക്കുന്നതിന്റെ ഭാഗമായി റിഗിംങ് ബെല്‍സ് കമ്പനി രാജ്യത്തുടനീളം 500ലധികം സര്‍വ്വീസ് സെന്ററുകളാണ് തുറക്കുന്നത്. ഫ്രീഡം 251ന് ഒരു വര്‍ഷത്തെ വാറന്റിയും ഉറപ്പു നല്കുന്നുണ്ട്.