കൊച്ചി: സംസ്ഥാനത്ത് സ്വര്‍ണ വില കുറഞ്ഞു. പവന് 120 രൂപ കുറഞ്ഞ് 23,160 രൂപയില്‍ എത്തി.ഗ്രാമിന് 15 രൂപ കുറഞ്ഞു 2895 രൂപയിലാണ് വ്യാപാരം പുരോഗമിക്കുന്നത്.

ബുധനാഴ്ച സ്വര്‍ണത്തിന് 160 രൂപ കൂടി റെക്കോഡ് വിലയിലെത്തിയിരുന്നു. കഴിഞ്ഞ 28 മാസത്തിനിടെ ഏറ്റവും ഉയര്‍ന്ന നിരക്കായിരുന്നു ഇത്.

കഴിഞ്ഞ നാലഞ്ചു ദിവസമായി സ്വര്‍ണവില ഉയര്‍ന്നുകൊണ്ടിരിക്കുകയായിരുന്നു. വിവാഹ സീസണ്‍ ആരംഭിക്കാനിരിക്കെ സ്വര്‍ണവില ഉയരുന്നത് ഉപഭോക്താക്കളെ ആശങ്കയിലാക്കിയിരുന്നു.

മൂന്ന് വര്‍ഷത്തിനിടെ ആദ്യമായി സ്വര്‍ണവില 23,000 കടന്നത് ജൂലൈ 29നാണ്. ജൂലൈ മാസാരംഭത്തില്‍ കേരളത്തില്‍ സ്വര്‍ണവിലയില്‍ വന്‍ ഇടിവായിരുന്നു രേഖപ്പെടുത്തിയത്. 22,320 എന്ന നിലയിലായിരുന്നു പവന് വില.പക്ഷേ ജൂലൈ അവസാനത്തോടെ വില കുതിച്ചു.