മുംബൈ: കഴിഞ്ഞ മാസങ്ങളില്‍ നഷ്ടം രേഖപ്പെടുത്തിയ നിസാനും ടാറ്റയും പുതിയതായി വിപണിയിലിറക്കിയ റെഡിഗോയിലൂടെയും നിസാനിലൂടെയും ജൂലൈയില്‍ തിരിച്ചുവന്നിരിക്കുകയാണ്.

ജൂലൈ മാസം ആഭ്യന്തര വാഹന വിപണിയില്‍ ഏറ്റവും നേട്ടം കൈവരിച്ചതു നിസാന്‍ ആണ്. ഡാറ്റ്‌സണ്‍ ബ്രാന്‍ഡില്‍ പുതുതായി പുറത്തിറക്കിയ റെഡി ഗോ മോഡല്‍ വില്പനയില്‍ 146 ശതമാനം വര്‍ധനയാണുണ്ടാക്കിയത്.

ടാറ്റായുടെ മൊത്തം കാര്‍ വില്‍പനയുടെ 38 ശതമാനവും ടിയാഗോയില്‍നിന്നാണ്. കഴിഞ്ഞ മൂന്ന് മാസം ടാറ്റയുടെ വില്‍പനയില്‍ വലിയ പങ്ക് വഹിക്കാന്‍ ടിയാഗോക്ക് കഴിഞ്ഞു. മെയില്‍ 3287, ജൂണ്‍ 4205, ജൂലൈ 5114 യൂണിറ്റുകള്‍ എന്നിങ്ങനെയാണ് ടിയാഗോ വില്‍പന നടന്നത്.

ഫോക്‌സ്‌വാഗണ്‍ 4301 കാറുകളാണ് ജൂലൈ മാസം നിരത്തിലിറക്കിയത്. ഇതില്‍ 51 ശതമാനവും പുതുതായി പുറത്തിറക്കിയ അമിയോയാണ്. ജാപ്പനീസ് കമ്പനിയില്‍നിന്നു അടുത്തിടെ പുറത്തിറങ്ങിയ ബിആര്‍വി 3333 കാറുകളാണു ഇറക്കിയത്.