1. രവി പിള്ള

18,500 കോടി രൂപയുടെ ആസ്തിയാണ് രവി പിള്ളയ്ക്കുള്ളത്. നിര്‍മ്മാണം,എഞ്ചിനീയറിംഗ്,റിയല്‍ എസ്റ്റേറ്റ്,ഹോസ്പിറ്റാലിറ്റി തുടങ്ങിയ വ്യവസായങ്ങളാണ് പ്രധാനമായും രവി പിള്ളയ്ക്കുള്ളത്.

2. എം എ യൂസഫലി

ഗള്‍ഫ് മേഖലയില്‍ ഒട്ടേറെ സ്ഥാപനങ്ങളുള്ള ലുലു ഗ്രൂപ്പി്‌ന്റെ തലവന്‍ യൂസഫലിയുടെ ആസ്തി 16,300 കോടി രൂപയാണ്. റീട്ടെയില്‍,ഹോസ്പിറ്റാലിറ്റി മേഖലകളിലാണ് വ്യവസായങ്ങള്‍ കൂടുതലും. അബുദാബിയാണ് ഹെഡ്ക്വാട്ടേഴ്‌സ്.

3. പിഎന്‍സി മേനോന്‍

കണ്‍സ്ട്രക്ഷന്‍,റിയല്‍ എസ്‌റ്റേറ്റ് തുടങ്ങിയവയില്‍ വ്യാപാരം നടത്തുന്ന പിഎന്‍സി മേനോന്റെ ആസ്തി 13,000 കോടി രൂപയാണ്. ദുബായ് കേന്ദ്രീകരിച്ചാണ് ബിസിനസുകളില്‍ അധികവും.

4. സണ്ണി വര്‍ക്കി

കിന്റര്‍ഗാര്‍ഡന്‍ മുതല്‍ 12ാം ക്ലാസ് വരെയുള്ള സ്‌കൂളുകളുടെ ലോകത്തെ ഏറ്റവും വലിയ ഓപ്പറേറ്ററായ ജെംസ് എജ്യുക്കേഷന്റെ തലവനാണ് സണ്ണി വര്‍ക്കി.വര്‍ക്കി ഗ്രൂപ്പിന്റെ പ്രവര്‍ത്തനങ്ങളില്‍ ഭൂരിഭാഗവും ദുബായ് കേന്ദ്രീകരിച്ചാണ്. 11,200 കോടിയാണ് ആസ്തി.

5. ക്രിസ് ഗോപാലകൃഷ്ണന്‍

7,860 കോടി രൂപയാണ് ഇന്‍ഫോസിസിന്റെ സ്ഥാപകരിലൊരാളായ സേനപതി ക്രിസ് ഗോപാലകൃഷ്ണന്റെ ആസ്തി. ബെംഗളൂരു കേന്ദ്രമാക്കിയാണ് ഇദേഹത്തിന്റെ കൂടുതല്‍ പ്രവര്‍ത്തനങ്ങള്‍ നടക്കുന്നത്.

6. ടി എസ് കല്യാണരാമന്‍

കല്യാണ്‍ ഗ്രൂപ്പിന്റെ തലവനായ ടി സ് കല്യാണരാമനും കേരളത്തിലെ ധനികരുടെ പട്ടികയിലുണ്ട്. തൃശൂരിലാരംഭിച്ച സ്വര്‍ണവ്യാപാരം ഇന്ന് ലോകത്തെമ്പാടുമുള്ള ഷോറൂമുകളിലെത്തി നില്‍കുന്നു. 6,600 കോടി രൂപയാണ് ടി എസ് കല്യാണരാമന്റെ ആസ്തി.