കൊച്ചി: സ്വര്‍ണവില പവന് 200 രൂപ വര്‍ധിച്ച് 23,160 രൂപയായി. ഒരു ഗ്രാമിന് 2895 രൂപ എന്ന നിലയിലാണ് വ്യാപാരം പുരോഗമിക്കുന്നത്.

കഴിഞ്ഞ നാല് ദിവസമായി പവന് 22,960 രൂപയായിരുന്നു സ്വര്‍ണവില. ഗസ്റ്റ് ആദ്യവാരം മുതല്‍ സ്വര്‍ണവില 23,000 രൂപയില്‍ നിന്നും കുറഞ്ഞിട്ടില്ല. രാജ്യന്തര വിപണിയില്‍ വില വര്‍ധിച്ചതാണ് കേരളത്തിലും സ്വര്‍ണവില ഉയരാന്‍ കാരണമായത്.

മൂന്ന് വര്‍ഷത്തിനിടെ ആദ്യമായി സ്വര്‍ണവില 23,000 കടന്നത് ജൂലൈ 29നാണ്. ജൂലൈ മാസാരംഭത്തില്‍ കേരളത്തില്‍ സ്വര്‍ണവിലയില്‍ വന്‍ ഇടിവായിരുന്നു രേഖപ്പെടുത്തിയത്. ബുധനാഴ്ച സ്വര്‍ണത്തിന് 160 രൂപ കൂടി റെക്കോഡ് വിലയിലെത്തിയിരുന്നു. കഴിഞ്ഞ 28 മാസത്തിനിടെ ഏറ്റവും ഉയര്‍ന്ന നിരക്കായിരുന്നു ഇത്.

ജൂലൈ അവസാനത്തോടെ സ്വര്‍ണവില ഉയര്‍ന്നുകൊണ്ടിരിക്കുകയായിരുന്നു. വിവാഹ സീസണ്‍ ആരംഭിക്കാനിരിക്കെ സ്വര്‍ണവില ഉയരുന്നത് ഉപഭോക്താക്കളെ ആശങ്കയിലാക്കുന്നുണ്ട്.