മുംബൈ: ടിയാഗോ വാങ്ങാനിരിക്കുന്നവര് ഇനി വൈകിക്കേണ്ട.ടാറ്റാ മോട്ടോഴ്സ് ഏറ്റവും പുതിയ മോഡലായ ടിയോഗോയുടെ എല്ലാ വേരിയന്റുകള്ക്കും വില വര്ധിപ്പിച്ചു. 6000 മുതല് 8000 രൂപ വരെയാണ് വര്ധിപ്പിച്ചത്.

3.2-5.54 ലക്ഷം രൂപ വില വരുന്ന (ഡല്ഹി എക്സ് ഷോറൂം വില) ഹാച്ച്ബാക്ക് മോഡലായ ടിയാഗോ ഈ വര്ഷം ഏപ്രിലിലാണ് ടാറ്റ പുറത്തിറക്കിയത്.പെട്രോള് മോഡലിനും ഡീസല് മോഡലിനും വില വര്ധിപ്പിക്കാനാണ് ടാറ്റ തീരുമാനിച്ചിരിക്കുന്നത്.

ടാറ്റയുടെ ബെസ്റ്റ് സെല്ലിംഗ് പട്ടികയിലുള്ള മോഡലാണ് ടിയാഗോ.വിപണിയില് തിരിച്ചെത്താന് ടിയാഗോയാണ് ടാറ്റയെ സഹായിച്ചത്.ടാറ്റായുടെ മൊത്തം കാര് വില്‍പനയുടെ 38 ശതമാനവും ടിയാഗോയില്നിന്നാണ്.

കഴിഞ്ഞ മൂന്ന് മാസം ടാറ്റയുടെ വില്പനയില് വലിയ പങ്ക് വഹിക്കാന് ടിയാഗോക്ക് കഴിഞ്ഞു. മെയില് 3287, ജൂണ് 4205, ജൂലൈ 5114 യൂണിറ്റുകള് എന്നിങ്ങനെയാണ് ടിയാഗോ വില്പന നടന്നത്.

13,586 കാറുകള് ജൂലൈയില് ടാറ്റ വിറ്റപ്പോള് അതില് 5,114 എണ്ണം ടിയാഗോയാണ്. ടിയാഗോയുടെ ബുക്കിംഗുകള് 40,000 കവിഞ്ഞു.