കൊച്ചി: കാര് വില്പനയില് കേരളം മൂന്നാമത്. സൊസൈറ്റി ഓഫ് ഇന്ത്യന് ഓട്ടോമൊബൈല് അസോസിയേഷന്റെ കണക്കനുസരിച്ച് ഇന്ത്യയില് ഏറ്റവുമധികം കാറുകള് വില്പന നടത്തിയത് മഹാരാഷ്ട്രയിലാണ്.
2011ലെ സെന്സസ് പ്രകാരം 1000 ആള്ക്കാര്ക്ക് 4.46 കാറുകള് എന്ന തോതിലാണ് കേരളത്തിലെ കാര് വില്പന.
മഹാരാഷ്ട്ര ഒന്നാമത്
കാര് വില്പനയില് ഒന്നാമതുള്ള മഹാരാഷ്ട്രയില് 2,58,355 കാറുകളാണ് വില്പന നടത്തിയത്. 1000 പേര്ക്ക് 2.30 കാര് എന്ന നിരക്കിലാണ് മഹാരാഷ്ട്രയിലെ കാര് വില്പന.
കര്ണാടക രണ്ടാമത്
1,59,101 കാറുകള് വിറ്റ കര്ണാടക സംസ്ഥാനമാണ് പട്ടികയില് രണ്ടാമത്.1000 ആളുകള്ക്ക് 2.32 കാറുകള് എന്ന തോതിലാണ് കര്ണാടകയില് കാറുകള് വില്ക്കപ്പെടുന്നത്.
ന്യൂഡല്ഹി
കാര് വില്പനയില് ആറാം സ്ഥാനത്തുള്ള ന്യൂഡല്ഹി 1,49,991 കാറുകളാണ് വിറ്റത്. 1000 പേര്ക്ക് 8.95 കാറുകള് എന്ന നിലയിലാണ് ഇവിടത്തെ വില്പന.
മാരുതി തന്നെ താരം
കാര് വില്പനയില് ഒന്നാം സ്ഥാനത്ത് മാരുതി സുസുക്കിയാണ്. വില്ക്കുന്ന ഓരോ 100 കാറുകളിലും 60 എണ്ണം മാരുതിയുടെ മോഡലുകളാണ്.
ഹ്യൂണ്ടായി,ഹോണ്ട പിന്നില്
ഹ്യൂണ്ടായി,ഹോണ്ട എന്നിവയാണ് കാര് വില്പനയില് മാരുതിക്ക് പുറകില്. 13 കാര് നിര്മാതാക്കള് കേരളത്തില് കഴിഞ്ഞ സാമ്പത്തിക വര്ഷം 1,57,515 കാറുകളാണ് വിറ്റത്.