മുംബൈ: ഐആര്‍സിടിസി ഫോര്‍ച്യൂണ്‍ നെക്‌സ്റ്റ് 500 ലിസ്റ്റില്‍ ഇടം പിടിച്ചു. തുടര്‍ച്ചയായ രണ്ടാമത്തെ വര്‍ഷമാണ് ഐആര്‍സിടിസി ഫോര്‍ച്യൂണ്‍ പട്ടികയില്‍ ഇടം നേടുന്നത്. 2015ല്‍ 328-ാമത്തെ സ്ഥാനത്തായിരുന്ന ഐആര്‍സിടിസി 2016ല്‍ 1990-ാം സ്ഥാനത്തേക്കാണെത്തിയത്.

1141 കോടിയില്‍ നിന്നും ഐആര്‍സിടിസിയുടെ വിറ്റുവരവ് 1503 കോടിയായി ഉയര്‍ന്നു. ഫ്‌ളിപ്കാര്‍ട്ടിന്റെ വരുമാനത്തേക്കാള്‍ ഇരട്ടിയാണിത്.

റെയില്‍വേ ടിക്കറ്റ് വില്‍പനയുടെ 55 ശതമാനവും ഇപ്പോള്‍ ഓണ്‍ലൈനായാണ് നടക്കുന്നത്. 20,000 കോടി രൂപയുടെ ഓണ്‍ലൈന്‍ ടിക്കറ്റ് വില്‍പനയാണ് ഐആര്‍സിടിസി ഈ വര്‍ഷം നടത്തിയത്.

1500 കോടി രൂപയാണു ഈ സാമ്പത്തിക വര്‍ഷത്തെ ഐആര്‍സിടിസിയുടെ വരുമാനം. 180 കോടി രൂപയാണു ലാഭം. വരുമാനത്തില്‍ 31 ശതമാനം വര്‍ധനവാണ് രേഖപ്പെടുത്തിയത്.