ന്യൂഡല്‍ഹി: ലോകത്തെ ഏറ്റവും സമ്പന്നമായ പത്ത് രാജ്യങ്ങളുടെ പട്ടികയില്‍ ഇന്ത്യ ഏഴാം സ്ഥാനത്ത്. 5600 ബില്ല്യണ്‍ ഡോളര്‍ വ്യക്തിഗത വരുമാനമുള്ള യുഎസാണ് പട്ടികയില്‍ ഒന്നാം സ്ഥാനത്ത്.

ന്യൂവേള്‍ഡ് വെല്‍ത്തിന്റെ പട്ടികയില്‍ കാനഡ( 4,700 ബില്ല്യണ്‍ ഡോളര്‍), ആസ്‌ട്രേലിയ (4,500 ബില്ല്യണ്‍ ഡോളര്‍), ഇറ്റലി (4,400 ബില്ല്യണ്‍ ഡോളര്‍) എന്നിവ ഇന്ത്യയ്ക്ക് പിന്നില്‍ യഥാക്രമം 8,9,10 സ്ഥാനങ്ങളിലാണ്.

ചൈനയും ജപ്പാനുമാണ് രണ്ടും മൂന്നും സ്ഥാനങ്ങളിലുള്ളത്. ചൈനയുടെ ആകെ വ്യക്തിഗത സമ്പത്ത് 17,400 ബില്ല്യണ്‍ ഡോളറാണ്, ജപ്പാനിലേത് 15,100 ബില്ല്യണും.

യുകെ(4ാം സ്ഥാനം), ജര്‍മനി(5ാം സ്ഥാനം), ഫ്രാന്‍സ്(6ാം സ്ഥാനം) എന്നീ രാജ്യങ്ങളും ആദ്യ പത്തില്‍ ഇടം പിടിച്ചിട്ടുണ്ട്.

ഇന്ത്യ ആദ്യ പത്തില്‍ ഇടം പിടിക്കാന്‍ കാരണം രാജ്യത്തിന്റെ ഉയര്‍ന്ന ജനസംഖ്യയാണെന്നാണ് റിപ്പോര്‍ട്ട് പറയുന്നത്. 22 മില്ല്യണ്‍ ആള്‍ക്കാര്‍ മാത്രമുള്ള ആസ്‌ട്രേലിയയുടെ സ്ഥാനം മികവാര്‍ന്നതാണെന്ന് റിപ്പോര്‍ട്ടില്‍ പറയുന്നു.