ഐഡിയയും വോഡഫോണും കൈകോര്‍ക്കുന്നു !

എയര്‍ടെലിന് വെല്ലുവിളി

ഇന്ത്യയിലെ ടെലികോം രംഗത്ത് ഒന്നാമത് നില്‍ക്കുന്ന ഭാരതി എയര്‍ടെല്ലിന് വെല്ലുവിളി ഉയര്‍ത്തുകയാണ് ഒരുമിക്കുന്നതിലൂടെ വൊഡാഫോണും ഐഡിയയും ലക്ഷ്യമിടുന്നതെന്ന് റിപ്പോര്‍ട്ടുണ്ട്.

വോഡഫോണും ഐഡിയയും രണ്ടാമത്

ഏപ്രിലിലെ ട്രായ്യുടെ കണക്ക് പ്രകാരം രാജ്യത്തെ 25.22 കോടി മൊബൈല്‍ യൂസര്‍മാര്‍ എയര്‍ടെല്ലിനൊപ്പമാണ്. വൊഡാഫോണിന് 19.79 കോടിയും ഐഡിയയ്ക്ക് 17.46 കോടിയും യൂസര്‍മാരുണ്ട്. റിലയന്‍സും എയര്‍സെല്ലുമാണ് നാല്, അഞ്ച് സ്ഥാനങ്ങളില്‍.

മൊബൈല്‍ ഉപയോക്താക്കള്‍

രാജ്യത്തെ പ്രശസ്ത റേറ്റിങ്ങ് ഏജന്‍സിയായ ഐസിആര്‍എ അടുത്തിടെ പുറത്തുവിട്ട റിപ്പോര്‍ട്ട് പ്രകാരം 2013 സെപ്തംബറിന് ശേഷം ഇതാദ്യമായി മൊബൈല്‍ സബ്സ്‌ക്രൈബേഴ്സിന്റെ എണ്ണം 2016 ഓഗസ്റ്റില്‍ 1,034.25 മില്യണില്‍ നിന്നും 1,033.16 മില്യണായി കുറഞ്ഞു. ആക്ടീവ് മൊബൈല്‍ സബ്സ്‌ക്രൈബേഴ്സിന്റെ എണ്ണത്തിലും കുറവുണ്ടായിട്ടുണ്ട്. മെയില്‍ 1.56 മില്യണ്‍ കുറഞ്ഞ് 932.5 മില്യണിലെത്തി. ജൂലൈയില്‍ 0.32 മില്യണ്‍ മൊബൈല്‍ യൂസര്‍മാരാണ് വൊഡാഫോണിനെ സമീപിച്ചത്. ഐഡിയയെ 0.25 മില്യണ്‍ യൂസര്‍മാരും. എയര്‍ടെല്ലിനാണ് ജൂലൈയില്‍ കൂടുതല്‍ യൂസര്‍മാരെ ലഭിച്ചത്. 1.07 മില്യണ്‍.

പോര്‍ട്ടബിളിറ്റി

മൊബൈല്‍ നമ്പര്‍ പോര്‍ട്ടബിലിറ്റിയില്‍ വൊഡാഫോണ്‍ ആണ് കൂടുതല്‍ നേട്ടമുണ്ടാക്കിയത്. ഇതുവരെ എംഎന്‍പി വഴി 4.7 കോടി കസ്റ്റമേഴ്സ് വൊഡാഫോണിലേക്ക് മാറി. എയര്‍ടെല്‍(3.82 കോടി) ആണ് തൊട്ടുപിന്നില്‍. മൂന്നാം സ്ഥാനത്ത് ഐഡിയയും(1.8 കോടി).