മുംബൈ: ജെറ്റ് എയര്വേസില് 949 രൂപയ്ക്ക് ടിക്കറ്റ് വില്പന.72 മണിക്കൂര് നേരത്തേക്കാണ് കുറഞ്ഞ നിരക്കില് യാത്ര ചെയ്യാന് ടിക്കറ്റ് ബുക്ക് ചെയ്യേണ്ട്ത്.
സെപ്റ്റംബര് 14നും അതിനു ശേഷവുമുള്ള കാലയളവിലാണ് ഈ ഓഫര് വഴി ജെറ്റ് എയര്വേസില് യാത്ര ചെയ്യാന് സാധിക്കുക. ആഗസ്റ്റ് 26 വരെ ടിക്കറ്റ് ബുക്ക് ചെയ്യാന് കഴിയും.ഇക്കണോമി ക്ലാസ് യാത്രക്കാര്ക്ക് ഇഷ്ടമുള്ള സീറ്റുകള് തിരഞ്ഞെടുക്കാന് കഴിയും. ബുക്ക് ചെയ്യുമ്പോള് തന്നെ നാമമാത്രമായ തുക നല്കി സീറ്റും ബുക്ക് ചെയ്യാം.
ആഭ്യന്തര യാത്രകള്ക്ക് നികുതി കൂടാതെ 600 രൂപയും രാജ്യാന്തര സര്വീസുകളില് 1,000 രൂപ മുതല് 3,500 രൂപ വരെയുമാണ് ബള്ക്ക്ഹെഡ് സീറ്റുകള്ക്കും റോ സീറ്റുകള്ക്കും ഈടാക്കുകയെന്ന് ജെറ്റ് എയര്വേസ് അറിയിച്ചു.
നികുതി ഒഴികെ 300 രൂപയില് ആഭ്യന്തര യാത്രയിലും 500-1,750 രൂപ വരെ രാജ്യാന്തര യാത്രകളിലും ബാക്കി എല്ലാ സീറ്റുകളും ലഭ്യമാക്കും.
വിമാനയാത്രക്കാര്ക്ക് സന്തോഷവാര്ത്ത: നാട്ടിലേക്ക് നിരക്കിളവ്