പൂനെ: കര്‍ഷകരെ ദുരിതത്തിലാക്കിക്കൊണ്ട് ഉള്ളി വില ഇടിയുന്നു. ഏഷ്യയിലെ ഏറ്റവും വലിയ ഉള്ളി വിപണിയായ ലാസല്‍ഗാവില്‍ ഉള്ളിവില കുത്തനെ ഇടിഞ്ഞു. രണ്ട് രൂപ മുതല്‍ എട്ട് രൂപ വരെയാണ് ഉള്ളിയുടെ മൊത്തവില.

കഴിഞ്ഞ വര്‍ഷം ഇതേ സമയത്ത് കിലോഗ്രാമിന് 41 രൂപ വരെയായിരുന്നു വില. 2013ന് ശേഷം ആദ്യമായാണ് ഉള്ളിവില ഇത്രത്തോളം താഴുന്നത്. വിപണിയില്‍ വില ഉയരുന്നത് കണ്ട കര്‍ഷകരെല്ലാം ഉള്ളി കൃഷിയിലേക്ക് തിരിഞ്ഞതുകൊണ്ടാണ് ലഭ്യത വര്‍ധിച്ചത്.

ഈര്‍പ്പമുള്ള കാലാവസ്ഥയാണ് പ്രധാന വില്ലന്‍ അതുകൊണ്ടുതന്നെ കര്‍ഷകര്‍ക്ക് ഉള്ളി സംഭരിക്കാന്‍ കഴിയില്ല. കുറഞ്ഞ വിലയില്‍ തന്ന വിറ്റൊഴിക്കണം.

ഉള്ളി കര്‍ഷകര്‍ക്ക് കനത്ത തിരിച്ചടിയാണ് ഉള്ളിയുടെ വിലയിടിവ്. കിലോഗ്രാമിന് 50 പൈസ മാത്രം വരെ ലഭിച്ച കര്‍ഷകര്‍ വരെയുണ്ടെന്നാണ് റിപ്പോര്‍ട്ടുകള്‍.