മുംബൈ: ഫ്യൂച്വര്‍ റീട്ടെയില്‍ സ്റ്റോറുകളില്‍ പതഞ്ജലി ഉല്‍പ്പന്നങ്ങള്‍ വില്‍പനയില്‍ മൂന്നാമത്.ഫുഡ്ബസാര്‍,ബിഗ് ബസാര്‍,ഫുഡ്ഹാള്‍,ഈസിഡേ,എഫ്ബിബി എന്നിവയെല്ലാം ഫ്യൂച്വര്‍ ഗ്രൂപ്പിന്റെ റീട്ടെയില്‍ സര്‍വീസുകളാണ്.

ഹിന്ദുസ്ഥാന്‍ യൂണിലിവര്‍, പി ആന്‍ഡ് ജി(പ്രൊജക്ടര്‍ ആന്‍ഡ് ഗാംബിള്‍) എന്നീ ഉപഭോക്തൃ ഉല്‍പ്പന്ന കമ്പനികള്‍ക്ക് തൊട്ടുപിന്നിലാണ് യോഗ ഗുരു ബാബാ രാംദേവിന്റെ പതഞ്ജലിയുടെ സ്ഥാനം.

കഴിഞ്ഞ ഒക്ടോബര്‍ മുതലാണ് പതഞ്ജലി ഉല്‍പ്പന്നങ്ങള്‍ ഫ്യൂച്വര്‍ ഗ്രൂപ്പിന്റെ സ്ഥാപനങ്ങളിലൂടെ വില്‍ക്കാനാരംഭിച്ചത്.പ്രതിമാസം 20 ശതമാനം എന്ന നിരക്കില്‍ വില്‍പന ഉയരുന്നുണ്ടെന്ന് ഫ്യൂച്വര്‍ ഗ്രൂപ്പ് സിഇഒ കിഷോര്‍ ബിയാനി അറിയിച്ചു.

ശ്രീ ശ്രീ രവിശങ്കറിന്റെ ആയുര്‍വേദ ഉല്‍പ്പന്നങ്ങള്‍ വില്‍ക്കുന്നതിനായുള്ള ചര്‍ച്ചകള്‍ നടന്നു വരികയാണെന്ന് ഫ്യൂച്വര്‍ ഗ്രൂപ്പ് വ്യക്തമാക്കി.