തൃശൂര്‍: സെപ്റ്റംബറില്‍ ബാങ്കുകളെ കാത്തിരിക്കുന്നത് അവധിക്കാലം. സര്‍ക്കാര്‍ ഓഫീസുകളുടെ ആകെ പ്രവൃത്തി ദിവസം സെപ്റ്റംബറില്‍ പകുതി മാത്രമാണ്.

രണ്ടാം തീയതി പൊതുപണിമുടക്ക് മൂലം സര്‍ക്കാര്‍ ഓഫീസുകളുടെ പ്രവര്‍ത്തനം തടസപ്പെടും. അഞ്ചിന് വിനായക ചതുര്‍ത്ഥിയാണ്. ചില അതിര്‍ത്തി ജില്ലകളില്‍ സെപ്റ്റംബര്‍ അഞ്ചിന് അവധിയുണ്ട്.

പത്താം തീയതി മുതല്‍ ഒമ്പത് ദിവസം ബക്രീദ്,ഓണം അവധികളാണ്. 17ന് പ്രവൃത്തി ദിവസമാണ്. പക്ഷേ വള്ളംകളിയും വിശ്വകര്‍മ്മ ദിനവും കാരണം നിയന്ത്രിത അവധിയുണ്ട്. സെപ്റ്റംബര്‍ 16ന് ശ്രീനാരയണഗുരു ജയന്തിയായതിനാല്‍ അവധിയാണ്. തുടര്‍ച്ചയായി അഞ്ച് ദിവസം ബാങ്കുകളുടെ പ്രവര്‍ത്തനം സ്തംഭിക്കും.

സെപ്റ്റംബറില്‍ ആകെ 18 ദിവസം മാത്രമേ ബാങ്കുകള്‍ പ്രവര്‍ത്തിക്കുകയുള്ളൂ. തുടര്‍ച്ചയായി അവധി ദിവസങ്ങള്‍ വരുന്നതിനാല്‍ ഇടപാടുകാരെ ഇത് കാര്യമായി ബാധിക്കും.