കമ്പനിക്ക് നഷ്ടം

ടിക്കറ്റ് വര്‍ധനവും അകാരണമായ യാത്ര റദ്ദാക്കലും മൂലം 20% യാത്രക്കാരെയാണ്് എയര്‍ ഇന്ത്യയ്ക്ക് നഷ്ടമായത്. മറ്റ് കമ്പനികളെ അപേക്ഷിച്ച് 10% അധികനഷ്ടമാണിത്. ഇത് കമ്പനിക്ക് നഷ്ടം വരുത്തി വെച്ചതായി കണക്കുകള്‍ പറയുന്നു.

ചിലവ് ചുരുക്കല്‍

എയര്‍ ഇന്ത്യ ചിലവ് ചുരുക്കലിന്റെ ഭാഗമായി ജീവനക്കാരുടെ യാത്രയ്ക്ക് പ്രത്യേക ആഡംബര വാഹനങ്ങള്‍ ഏര്‍പ്പെടുത്തുന്നതും ആഡംബര ഹോട്ടലുകളില്‍ താമസിക്കുന്നതും വിലക്കിയിട്ടുണ്ട്. വില കൂടിയ ബൊക്കെകള്‍ നല്‍കുന്നതും ഉദ്യോഗസ്ഥരെ യാത്രയാക്കാന്‍ ജീവനക്കാര്‍ ഒരുമിച്ച് പോകുന്നതും വിലക്കിയിട്ടുണ്ട്.

എയര്‍ഇന്ത്യ നഷ്ടത്തില്‍

വലിയ നഷ്ടത്തിലാണ് എയര്‍ ഇന്ത്യ. വിമാനം വൈകിയതിനാല്‍ കഴിഞ്ഞ അഞ്ച് മാസത്തിനിടെ മൂന്ന് കോടി രൂപയാണ് എയര്‍ഇന്ത്യ നഷ്ടപരിഹാരമായി നല്‍കേണ്ടി വന്നത്. രാജ്യത്തിലെ ആകെ വിമാനക്കമ്പനികള്‍ യാത്രക്കാര്‍ക്ക് നല്‍കിയ നഷ്ടപരിഹാരത്തിന്റെ 80% എയര്‍ഇന്ത്യയുടേതാണ്.

എയര്‍ഇന്ത്യ വൈകുന്നു

രാജ്യത്ത് ഓരോ മിനിറ്റിലും ഓരോ എയര്‍ ഇന്ത്യ വിമാനം വൈകുന്നു എന്നാണ് കണക്കുകള്‍. കേരളത്തിലെ എല്ലാ വിമാനത്താവളങ്ങളും വിമാനങ്ങള്‍ വൈകുന്നതില്‍ മുന്നിലാണ്.

ആകര്‍ഷകമാവാന്‍ ഒരുങ്ങുന്നു

എയര്‍ ഇന്ത്യയെ ആകര്‍ഷമാക്കുന്നതിനായി ബന്ധപ്പെട്ട് എയര്‍ ഇന്ത്യ ചെയര്‍മാനും മാനേജിങ് ഡയറക്ടറുമായ അശ്വിനി ലോഹാനി എല്ലാ എയര്‍ഇന്ത്യ യൂണിറ്റുകളില്‍നിന്നും നിര്‍ദേശങ്ങള്‍ ക്ഷണിച്ചു.

ഗള്‍ഫ് മേഖലയ്ക്ക് പ്രാധാന്യം

ഗള്‍ഫ് മേഖലയാണ് പ്രധാനമായും എയര്‍ഇന്ത്യ ലക്ഷ്യംവെക്കുന്നത്. ഗള്‍ഫ് മേഖലയില്‍ നിന്നുമുള്ള യാത്രക്കാരില്‍ നിന്നായിരുന്നു എയര്‍ ഇന്ത്യക്ക് ലാഭമുണ്ടായതും.

ടിക്കറ്റ് നിരക്ക് കുറയ്ക്കാം

നിലവിലെ പ്രശ്നങ്ങളില്‍ എങ്ങനെ യാത്രക്കാര്‍ക്ക് സഹായകമായ തീരുമാനങ്ങള്‍ കൈക്കൊള്ളാം എന്നതാണ് എയര്‍ ഇന്ത്യ പരിശോധിക്കുന്നത്. പ്രശ്‌ന പരിഹാരത്തിന് ടിക്കറ്റ് നിരക്ക് കുറയ്ക്കുക എന്നതാണെങ്കില്‍ അതിനും തയ്യാറായികൊണ്ടാണ് എയര്‍ ഇന്ത്യ പുതിയ നടപടിയിലേക്ക് നീങ്ങുന്നത്.