ന്യൂഡല്‍ഹി: ഇന്ധന വിലയില്‍ വന്‍ വര്‍ധന. പെട്രോള്‍ ലിറ്ററിന് 3.38 രൂപയും ഡീസലിന് 2.67 രൂപയുമാണ് കൂട്ടിയത്. പുതുക്കിയ വില വ്യാഴാഴ്ച അര്‍ധരാത്രി മുതല്‍ നിലവില്‍ വരും.

ആഗോള വിപണിയില്‍ ക്രൂഡ് ഓയില്‍ വിലയില്‍ 13 ശതമാനത്തിന്റെ വര്‍ധനയാണ് രണ്ടാഴ്ചക്കിടെ ഉണ്ടായത്, ഇതാണ് ഇന്ധന വില കൂട്ടാന്‍ കാരണമെന്ന് എണ്ണക്കമ്പനികള്‍ വ്യക്തമാക്കി.ആഗോള വിപണിയില്‍ ക്രൂഡ് ഓയില്‍ വില ബാരലിന് അഞ്ച് ഡോളറായി വര്‍ധിച്ചിട്ടുണ്ട്. 13 ശതമാനത്തിന്റെ വര്‍ധനയാണ് എണ്ണവിപണിയില്‍ രേഖപ്പെടുത്തിയതെന്നും ഇന്ത്യന്‍ ഓയില്‍ കോര്‍പ്പറേഷന്‍ അവകാശപ്പെട്ടു.

ഈ മാസം 15നു നടന്ന ഇന്ധന വില പുനര്‍ നിര്‍ണയത്തില്‍ പെട്രോള്‍ വില ലിറ്ററിന് ഒരു രൂപയും ഡീസല്‍ വില രണ്ടു രൂപയും കുറച്ചിരുന്നു. പുതിയ സാഹചര്യത്തില്‍ രാജ്യത്ത് ഇനിയും എണ്ണവില വര്‍ധനയുണ്ടാകുമെന്നാണ് സൂചന.

എല്ലാ മാസവും രണ്ട് തവണ എണ്ണക്കമ്പനികള്‍ ഇന്ധന വില പുതുക്കി നിശ്ചയിക്കാറുണ്ട്.