മുംബൈ: ഇന്ത്യന്‍ നിരത്തുകളില്‍ റോയല്‍ റോയല്‍ എന്‍ഫീല്‍ഡ് തന്നെ.കഴിഞ്ഞ വര്‍ഷത്തെ അപേക്ഷിച്ച് 32 ശതമാനം വര്‍ദ്ധനവാണ് റോയല്‍ എന്‍ഫീല്‍ഡിന്റെ വില്‍പനയില്‍ ആഗസ്റ്റ് മാസത്തിലുണ്ടായിരിക്കുന്നത്.

42,360 യൂണിറ്റ് ബൈക്കുകളാണ് കഴിഞ്ഞ വര്‍ഷം ആഗസ്റ്റില്‍ റോയല്‍ എന്‍ഫീല്‍ഡ് വില്‍പന നടത്തിയത്. ഈ ആഗസ്റ്റില്‍ 55,721 യൂണിറ്റ് ബൈക്കുകളാണ് കമ്പനി വിറ്റതെന്ന് റോയല്‍ എന്‍ഫീല്‍ഡ് വ്യക്തമാക്കി.ഓഹരി വിപണിയില്‍ ഐഷര്‍ മോട്ടോഴ്‌സിന്റെ വിപണി മൂല്യത്തില്‍ വന്‍ വര്‍ധനയാണുണ്ടായിരിക്കുന്നത്.

2016 മെയ് മുതല്‍ ആഗസ്റ്റ് വരെയുള്ള നാല് മാസത്തില്‍ 2,56,582 യൂണിറ്റ് ബൈക്കുകളാണ് റോയല്‍ എന്‍ഫീല്‍ഡ് വിറ്റത്.

കയറ്റുമതിയിലും റോയല്‍ എന്‍ഫീല്‍ഡിന് നേട്ടം കൈവരിക്കാന്‍ സാധിച്ചു. 986 യൂണിറ്റ് റോയല്‍ എന്‍ഫീല്‍ഡ് ബൈക്കുകളാണ് ആഗസ്റ്റില്‍ കയറ്റി അയച്ചത്. 30 ശതമാനം വളര്‍ച്ചയാണ് കഴിഞ്ഞ വര്‍ഷത്തെ അപേക്ഷിച്ചുണ്ടായത്.