കൊച്ചി: ഓണം അടുത്തതോടെ സ്വര്‍ണവില വീണ്ടും ഉയര്‍ന്നു. പവന് 240 രൂപ കൂടി 23,480 രൂപയായി. 2935 രൂപയാണ് സ്വര്‍ണം ഗ്രാമിന്റെ വില.

23,240 രൂപയായിരുന്നു കഴിഞ്ഞ ദിവസം ഒരു പവന്‍ സ്വര്‍ണത്തിന്റെ വില. ഗ്രാമിന് 2905 രൂപ എന്ന നിരക്കിലായിരുന്നു വ്യാപാരം നടന്നത്.കേരളത്തില്‍ ഓണം വിവാഹസീസണ്‍ കൂടിയാണ് അതുകൊണ്ടുതന്നെ സ്വര്‍ണത്തിന് ഇപ്പോള്‍ വിപണിയില്‍ നല്ല ആവശ്യക്കാരുണ്ട്. കൂടെക്കൂടെ സ്‌വര്‍ണവില ഉയരുന്നത് വിവാഹ പാര്‍ട്ടിക്കാരെ ആശങ്കയിലാഴ്ത്തുന്നുണ്ട്.

ആഗോളവിപണിയില്‍ സ്വര്‍ണത്തിന് വില വര്‍ധിച്ചതാണ് ആഭ്യന്തര വിപണിയിലും വില കൂടാന്‍ കാരണം. ചിങ്ങമാസം ആരംഭിച്ചതോടെ സ്വര്‍ണാഭരണശാലകളിലെല്ലാം നല്ല തിരക്കാണ് അനുഭവപ്പെടുന്നത്.

ഓണമടുക്കുന്നതോടെ ഡിമാന്‍ഡ് ഉയരുന്നത് സ്വര്‍ണവില ഇനിയും വില വര്‍ധിപ്പിക്കാനാണ് സാധ്യത. ആഗസ്റ്റ് ആദ്യവാരം 22,960 രൂപയായിരുന്നു പവന്റെ വില.