900 രൂപ മുതല്‍

ജമ്മു-ശ്രീനഗര്‍, ഡല്‍ഹി-ജയ്പുര്‍, റൂട്ടുകളിലാണ് 900 രൂപ ടിക്കറ്റ് നിരക്കില്‍ യാത്ര ചെയ്യാന്‍ കഴിയുക.

ടിക്കറ്റ് നിരക്കുകള്‍ ഇങ്ങനെ

ഡല്‍ഹി-ലഖ്‌നൗ റൂട്ട് ടിക്കറ്റുകള്‍ 1,346 രൂപ മുതലാണ് ആരംഭിക്കുന്നത്. ഗുവഹാട്ടി-ബാഗ്‌ദോഗ്ര യാത്രയ്ക്ക് 1,648 രൂപ മുതല്‍, ജമ്മു-ഡല്‍ഹി യാത്രയ്ക്ക് 1,750 രൂപ മുതല്‍, ഡല്‍ഹി-വാരണാസി 1,846 രൂപ മുതല്‍, ശ്രീനഗര്‍-ഡല്‍ഹി 1,890 രൂപ മുതല്‍, ഡല്‍ഹി-ജമ്മു 1,896 രൂപ മുതല്‍ എന്നിങ്ങനെയാണ് ഇന്‍ഡിഗോയിലെ ഓഫര്‍ ടിക്കറ്റ് നിരക്കുകള്‍.

സീറ്റുകള്‍

എത്ര സീറ്റുകളാണ് ഈ ഓഫറില്‍ ലഭ്യമാവുകയെന്ന് ഇന്‍ഡിഗോ ഇതുവരെ അറിയിച്ചിട്ടില്ല.

എയര്‍ ഏഷ്യയിലും ഓഫര്‍

599 രൂപയ്ക്ക് വിമാന ടിക്കറ്റുകളുമായി ബജറ്റ് എയര്‍ലൈനായ എയര്‍ ഏഷ്യ ഇന്ത്യ പുതിയ ഓഫറുമായി രംഗത്തെത്തിയിരുന്നു. സെപ്റ്റംബര്‍ 11 വരെ ബുക്ക് ചെയ്യുന്ന ടിക്കറ്റുകള്‍ക്കാണ് 599 രൂപ മുതല്‍ യാത്ര ചെയ്യാമെന്ന ഈ ഓഫര്‍ ലഭിക്കുക. 2017 ഫെബ്രുവരി 6 മുതല്‍ 2017 ഒക്ടോബര്‍ 28 വരെ ഈ നിരക്കില്‍ യാത്ര ചെയ്യാന്‍ കഴിയും.

വിസ്താരയും മത്സരത്തിന്

വിസ്താരയില്‍ 949 രൂപ മുതലാണ് ഓഫര്‍ ടിക്കറ്റ് നിരക്ക്. ആഭ്യന്തര യാത്രകളില്‍ ഓഫ് സീസണ്‍ നഷ്ടം കുറയ്ക്കാനാണ് വിമാനക്കമ്പനികള്‍ പ്രത്യേക ഡിസ്‌കൗണ്ടുകളും ഓഫറുകളും പ്രഖ്യാപിക്കുന്നത്.

ടിക്കറ്റ് നിരക്ക് യുദ്ധം മുറുകും

പ്രമുഖ ബജറ്റ് എയര്‍ലൈനുകളെല്ലാം ഓഫറുകള്‍ പ്രഖ്യാപിച്ച് രംഗത്ത് വന്നതോടെ ഇനിയും ടിക്കറ്റ് നിരക്ക് ഓഫര്‍ മത്സരം പ്രതീക്ഷിക്കാം.