പലിശ നിരക്ക് ഏറ്റവും കൂടിയ ലോണാണ് പേഴ്സണല് ലോണ്. ക്രഡിറ്റ് റേറ്റിംഗ്,പേഴ്സണല് വിവരങ്ങള്,സിബില് സ്കോര് തുടങ്ങി പേഴ്സണല് ലോണ് ലഭിക്കാന് എന്തൊക്കെ വേണം എന്നറിയാമോ?
യോഗ്യത
ലോണിനുള്ള യോഗ്യത ഓരോ ബാങ്കിലും വ്യത്യസ്തമാണ്. പ്രാഥമിക പരിഗണന ലോണ് തിരിച്ചടയ്ക്കാനുള്ള ശേഷിയാണ്. വയസ്,പ്രൊഫൈല്,ജോലി,ജോലി സ്ഥലം എന്നിവയും ചിലപ്പോള് പരിഗണിക്കും.
പലിശ നിരക്ക്
ആഗസ്റ്റില് പേഴ്സണല് ലോണിന്റെ പലിശ നിരക്ക് 11.5% മുതല് 22% വരെയായിരുന്നു. ക്രഡിറ്റ് സ്കോര് മികച്ചതാണെങ്കില് പലിശ നിരക്ക് കുറയും. സിബില് സ്കോര് 750നു മുകളില് ആണെങ്കില് പലിശ നിരക്ക് കുറവായിരിക്കും.
ലോണ് കാലാവധി
12-60 മാസം വരെയാണ് സാധാരണ ലോണുകളുടെ കാലാവധി. ദീര്ഘകാല ലോണുകള്ക്ക് ചെറിയ കാലത്തേക്കുള്ള ലോണിനെ അപേക്ഷിച്ച് പലിശ നിരക്ക് കൂടും. ചെറിയ ഇഎംഐ തിരഞ്ഞെടുക്കാനുള്ള സൗകര്യവും ചിലപ്പോള് ലഭിച്ചേക്കാം.
റീപേയ്മെന്റ്
മൊത്തം തുക തിരിച്ചടയ്ക്കാന് കഴിയുമോ എന്ന് എപ്പോഴും ലോണെടുക്കും മുന്പ് ശ്രദ്ധിക്കണം. കാലാവധി തീരുംമുന്പ് ലോണ് തിരിച്ചടയ്ക്കുന്നതിന് ചില ബാങ്കുകള് ചാര്ജ് ഈടാക്കാറുണ്ട്.
ലോണ് തുക
ആകെ വരുമാനത്തിനനുസരിച്ചായിരിക്കും നിങ്ങള്ക്ക് ലഭിക്കുന്ന ലോണ് തുക. വരുമാനം കൂടുതലാണെങ്കില് ലോണ് തുകയും കൂടുതലായിരിക്കും.
ഫീസ്, ചാര്ജ്
പലിശ കൂടാതെ ഡോക്യുമെന്റേഷനും പ്രോസസിഗിനും ബാങ്കുകള് ചാര്ജ് ഈടാക്കാറുണ്ട്. 2%-3% വരെയാണ് ഫീസുണ്ടാവുക. മുന്കൂട്ടി ലോണ് അടച്ചുതീര്ക്കുന്നതിനും ചിലപ്പോള് ഫീസ് ഈടാക്കും.
അപേക്ഷകള് കുറയ്ക്കാം
പേഴ്സണല് ലോണിനായി ധൃതി വെച്ച് ഒരുപാടിടത്ത് അപേക്ഷിക്കരുത്. അന്വേഷണങ്ങള് കൂടുമ്പോള് ക്രഡിറ്റ് സ്കോറും കുറയും എന്നോര്ക്കുക. ഇത് ലോണ് ലഭിക്കുന്നതിന്റെ ചിലവ് കൂട്ടും.