മുംബൈ: ഇന്‍ഡിഗോ ഫ്ളൈറ്റുകളില്‍ ടിക്കറ്റ് നിരക്കില്‍ തകര്‍പ്പന്‍ ആനുകൂല്യങ്ങള്‍. തെരഞ്ഞെടുക്കപ്പെട്ട റൂട്ടുകളിലാണ് ആനുകൂല്യങ്ങള്‍ ലഭിക്കുക. പരിമിതമായ സീറ്റുകളിലെ ആനുകൂല്യം ലഭിക്കൂ. കൊച്ചി-തിരുവനന്തപുരം, ജയ്പൂര്‍- ഡല്‍ഹി, ഗുവാഹത്തി-വഡോദര, ചണ്ഡിഗഡ്-ശ്രീനഗര്‍ റൂട്ടുകളില്‍ 900 രൂപ ടിക്കറ്റില്‍ യാത്ര ചെയ്യാം.

ഹൈദരാബാദ്-കോയമ്പത്തൂര്‍, ഡല്‍ഹി-ഡെറാഡൂണ്‍ റൂട്ടുകളിലെ നിരക്കുകള്‍ ആരംഭിക്കുന്നത് 1,299 രൂപയിലുമാണ്.മെട്രോ ടു മെട്രോ റൂട്ടുകളില്‍ ഡല്‍ഹി-ചെന്നൈ ചാര്‍ജുകള്‍ ആരംഭിക്കുന്നത് 3,199 രൂപ മുതലാണ്.

ഹൈദരാബാദ്-ഗോവ ടിക്കറ്റ് നിരക്ക് 1,699 രൂപയും ഡല്‍ഹി-വഡോദര ടിക്കറ്റ് നിരക്ക് 2,599 രൂപയിലും ആരംഭിക്കും.ഏത് ദിവസങ്ങളിലെ യാത്രയ്ക്കാണ് ആനുകൂല്യങ്ങള്‍ ലഭിക്കുകയെന്നും എത്ര സീറ്റുകളാണ് ഉള്ളതെന്നും ഇന്‍ഡിഗോ വ്യക്തമാക്കിയിട്ടില്ല.

ആഭ്യന്തര യാത്രക്കാരുടെ എണ്ണത്തില്‍ വന്‍ വളര്‍ച്ചയാണ് കഴിഞ്ഞ കുറച്ച് വര്‍ഷങ്ങളായി കാണുന്നത്.