കൊച്ചി: നടപ്പു സാമ്പത്തിക വര്‍ഷം ഇന്ത്യ 7.6 ശതമാനം വളര്‍ച്ച നേടുമെന്ന് റിസര്‍വ് ബാങ്ക് ഓഫ് ഇന്ത്യയും ലോകബാങ്കും അന്താരാഷ്ട്ര നാണയ നിധിയും (ഐ.എം.എഫ്) വിലയിരുത്തി.

റിപ്പോ നിരക്ക് കാല്‍ ശതമാനം കുറച്ചുകൊണ്ടുള്ള പ്രഖ്യാപനത്തിനിടെയാണ് ഇന്ത്യ ഈവര്‍ഷം പ്രതീക്ഷിക്കുന്ന വളര്‍ച്ചാ നിരക്ക് റിസര്‍വ് ബാങ്ക് ഗവര്‍ണര്‍ ഡോ. ഉര്‍ജിത് പട്ടേല്‍ വ്യക്തമാക്കിയത്. ചൈനയുടെ വളര്‍ച്ച 6.6 ശതമാനമായിരിക്കുമെന്നും ലോകബാങ്ക് പറയുന്നു.

കാര്‍ഷിക വളര്‍ച്ച, ശമ്പള പരിഷ്‌കരണം, കയറ്റുമതി വര്‍ധന തുടങ്ങിയവയാണ് ലോക ബാങ്ക് വളര്‍ച്ചയ്ക്കു കാരണമായി ചൂണ്ടിക്കാട്ടുന്ന ഘടകങ്ങള്‍.

മുന്‍ വര്‍ഷങ്ങളില്‍ നിന്ന് വ്യത്യസ്തമായി ജിഡിപിക്കു പകരം സബ്‌സിഡികളും നികുതികളും ഒഴിവാക്കിയുള്ള വളര്‍ച്ചാ പ്രതീക്ഷയാണ് (ഗ്രോസ് വാല്യൂ ആഡഡ്) ആര്‍ബിഐ ഗവര്‍ണര്‍ പങ്കുവെച്ചത്.