മുംബൈ: ഉത്സവകാലം ആഘോഷമാക്കാനായി വിസ്താര ടിക്കറ്റ് നിരക്ക് കുറച്ചു. 999 രൂപ മുതലുള്ള ടിക്കറ്റുകളാണ് വിസ്താര ഉത്സവകാല ഓഫറില്‍ അവതരിപ്പിക്കുന്നത്.

പ്രീമിയം ക്ലാസ് യാത്രയ്ക്കും ഇക്കണോമി ക്ലാസ് യാത്രയ്ക്കും 2999 രൂപ മുതല്‍ 5999 രൂപ വരെ വണ്‍വേ ടിക്കറ്റിന് ചിലവാകുമെന്ന് വിസ്താര അറിയിച്ചു.

ഒക്ടോബര്‍ 7 വരെയാണ് ഈ ഓഫറില്‍ ബുക്ക് ചെയ്യാന്‍ സാധിക്കുക. ഒക്ടോബര്‍ 12 മുതല്‍ അടുത്ത വര്‍ഷം മാര്‍ച്ച് 28 വരെ യാത്ര ചെയ്യാനായി ബുക്ക് ചെയ്യാന്‍ കഴിയും.

ഉത്സവകാല ഓഫറുമായി സ്‌പൈസ്‌ജെറ്റും എയര്‍ ഏഷ്യ ഇന്ത്യയും ജെറ്റ് എയര്‍വേസും കഴിഞ്ഞ ദിവസങ്ങളില്‍ രംഗത്തെത്തിയിരുന്നു. 999 രൂപ മുതലാണ് എയര്‍ ഏഷ്യയില്‍ ടിക്കറ്റുകള്‍,888 രൂപ തൊട്ടാണ് സ്‌പൈസ്‌ജെറ്റില്‍ ഓഫറുകള്‍, ജെറ്റ് എയര്‍വേസില്‍ 369 രൂപ മുതലാണ് നിരക്ക്.