മുംബൈ: പുതിയ 20 രൂപ നോട്ടുകള് വരുന്നു. 2005ലെ മഹാത്മാഗാന്ധി പരമ്പരയില്പ്പെട്ട, നമ്പര് പാനലില് ആര് എന്ന അക്ഷരത്തോടുകൂടിയ പുതിയ 20 രൂപാ നോട്ടുകള് റിസര്വ് ബാങ്ക് ഉടന് പുറത്തിറക്കും.
റിസര്വ്വ് ബാങ്ക് ഗവര്ണര് ഡോ. ഉര്ജിത്ത് ആര്. പട്ടേലിന്റെ ഒപ്പോടുകൂടിയ നോട്ടിന്റെ മറുവശത്ത് 2016 എന്ന് വര്ഷവും രേഖപ്പെടുത്തിയിരിക്കും. നമ്പറിങ്ങ് പാനലില് ഇന്സെറ്റ് അക്ഷരങ്ങള് ഇല്ലാത്തതായിരിക്കും പുതിയ 20 രൂപ നോട്ടുകള്.
നമ്പറിങ്ങ് പാനലില് അക്കങ്ങളുടെ വലിപ്പം ആദ്യത്തെ മൂന്നക്കം ഒരേ ക്രമത്തിലും, ശേഷിച്ചവ ഇടതുനിന്ന് വലത്തോട്ട് ആരോഹണ ക്രമത്തില് രേഖപ്പെടുത്തിയതുമായിരിക്കും.20 എന്ന അക്കം, ആര്.ബി.ഐ. മുദ്ര, മഹാത്മാഗാന്ധിയുടെ ചിത്രം, ആര്.ബി.ഐ. ചരിത്ര വിവരണം, ഗ്യാരന്റിയും പ്രോമിസ് ക്ലോസും, ഗവര്ണറുടെ ഒപ്പ്, അശോക സ്തംഭം എന്നിവയുണ്ടായിരിക്കും
ഇതുവരെ പ്രിന്റ് ചെയ്തിരുന്ന ഇന്റാഗ്ലിയോ പ്രിന്റിങ്ങിന് പകരം, ഓഫ്സെറ്റ് പ്രിന്റിങ് ആയിരിക്കും പുതിയ നോട്ടിലുണ്ടാവുക. കൂടാതെ നോട്ടിന്റെ ചതുരത്തിലുള്ള അടയാളം ഒഴിവാക്കിയിട്ടുണ്ട്. 2005 ശ്രേണിയിലെ നോട്ടുകള്ക്ക് സമാനമാണ് ബാക്കി സവിശേഷതകളെല്ലാം.
Read Also: ഓപ്പോ ഫോണുകള് ആപ്പിളിനേക്കാള് അടിപൊളി, ആപ്പിളിനെ കടത്തിവെട്ടി ഓപ്പോ