പുതിയ നിരക്കുകള്‍

ഒബിസി ആറു മാസ വായ്പ നിരക്ക് 0.10 ശതമാനം കുറച്ച് 9.30 ശതമാനമായാണ് പുനര്‍നിര്‍ണയിച്ചത്. ഒക്ടോബര്‍ 10 മുതലാണ് ഈ നിരക്ക് പ്രാബലത്തില്‍ വരിക. യൂണൈറ്റഡ് ബാങ്ക് ഒരു വര്‍ഷത്തേക്ക് നിരക്ക് 9.40 ശതമാനമായാണ് പുതുക്കി നിശ്ചയിച്ചത്. കര്‍ണാടക ബാങ്ക് 0.05% കുറവാണ് നിരക്കില്‍ വരുത്തിയിട്ടുള്ളത്.

റിപ്പോ നിരക്ക്

റിസര്‍വ് ബാങ്ക് ചൊവ്വാഴ്ചയാണ് റെപ്പോ നിരക്ക് 6.05 ശതമാനത്തില്‍നിന്ന് 6.25 ശതമാനമായി കുറച്ചത്. ഇതിന്റെ പിന്നലെ തന്നെ ഐസിഐസിഐ ബാങ്ക് എംസിഎല്‍ആര്‍ അധിഷ്ഠിത ഒരു വര്‍ഷ നിരക്ക് 0.05 ശതമാനം കുറച്ചിരുന്നു.

ഈ ബാങ്കുകളും നിരക്ക് കുറച്ചു

പൊതുമേഖലാ ബാങ്കുകളായ ബാങ്ക് ഓഫ് ഇന്ത്യ, സിന്‍ഡിക്കറ്റ് ബാങ്ക്, ബാങ്ക് ഓഫ് മഹാരാഷ്ട്ര, പഞ്ചാബ് ആന്‍ഡ് സിന്ധ് ബാങ്ക് എന്നിവ അടിസ്ഥാനനിരക്കുകള്‍ കുറച്ചിട്ടുണ്ട്.

ബാങ്ക് നിരക്കുകള്‍

പുതിയ അടിസ്ഥാന നിരക്കുകള്‍: ബാങ്ക് ഓഫ് ഇന്ത്യ 99.35%, സിന്‍ഡിക്കറ്റ് ബാങ്ക് 9.3 9.45%, ബാങ്ക് ഓഫ് മഹാരാഷ്ട്ര 9.05-9.6%, പഞ്ചാബ് ആന്‍ഡ് സിന്ധ് ബാങ്ക് 9.3-9.75% എന്നിങ്ങനെയാണ്.

ഡിഎച്ച്എഫ്എല്ലിലും നിരക്കിളവ്

ദിവാന്‍ ഹൗസിങ് ഫിനാന്‍സ് കോര്‍പറേഷന്‍ (ഡിഎച്ച്എഫ്എല്‍) അടിസ്ഥാന നിരക്ക് 0.2% കുറച്ച് 9.35% ആക്കിയിട്ടുണ്ട്. പുതിയ വായ്പകള്‍ക്ക് ഈ കുറച്ച നിരക്കാണ് ബാധകമാവുക.