ന്യൂഡല്‍ഹി: രാജ്യത്തെ ഏറ്റവും വലിയ കാര്‍ നിര്‍മാതാക്കളായ മാരുതിയുടെ പ്രീമിയം ഹാച്ച്ബാക്കായ ബലേനോ 100 രാജ്യങ്ങളിലേക്ക് കയറ്റി അയയ്ക്കാനൊരുങ്ങുന്നു.

ആഭ്യന്തരവിപണിയില്‍ ഒരു ലക്ഷം ബലേനോയാണ് ഇതിനോടകം വിറ്റഴിച്ചത്. ലാറ്റിന്‍ അമേരിക്ക, മിഡില്‍ ഈസ്റ്റ്, സൗത്ത് ഏഷ്യ എന്നിവിടങ്ങളിലേക്കും കാര്‍ കയറ്റി അയച്ചിട്ടുണ്ട്. കരീബിയന്‍ ദ്വീപുകളിലേക്കും ദക്ഷിണാഫ്രിക്കയിലേക്കും ഉടന്‍ ബലേനോ കയറ്റി അയയ്ക്കും.

ഉടന്‍തന്നെ 15 രാജ്യങ്ങളിലേക്ക് ബലേനോ കയറ്റി അയയ്ക്കുമെന്ന് കമ്പനി അറിയിച്ചു. 38000 ബലേനോ കാറുകള്‍ ഇതിനകം വിദേശത്തേക്കെത്തിച്ചുകഴിഞ്ഞു.

ഇന്ത്യന്‍ പ്ലാന്റില്‍ നിര്‍മ്മിച്ച് മാതൃകമ്പനിയായ സുസുകി മോട്ടോഴ്‌സ് കോര്‍പ്പറേഷന്റെ ഹെഡ്‌ക്വോട്ടേഴ്‌സുള്ള ജപ്പാനിലേക്ക് അയയ്ക്കുന്ന ആദ്യ മോഡല്‍ എന്ന ബഹുമതിയും ബലേനോയ്ക്കാണ്.