ന്യൂഡല്‍ഹി: പുതിയ 4ജി സ്മാര്‍ട്‌ഫോണ്‍ വാങ്ങുന്നവര്‍ക്ക് പുതിയ ഡാറ്റ ഓഫറുമായി എയര്‍ടെല്‍. 259 രൂപയ്ക്ക് 10 ജിബി 4ജി/3ജി ഡേറ്റയാണ് ഓഫര്‍.

ഓഫര്‍ റീചാര്‍ജ് ചെയ്ത ഉടന്‍ ഒരു ജിബി ഡാറ്റ ക്രെഡിറ്റാവും. ബാക്കി 9 ജിബി ഡാറ്റ യൂസര്‍ മൈ എയര്‍ടെല്‍ ആപ്പ് വഴി ഉപയോഗിക്കണം.അടുത്ത മൂന്ന് മാസ കാലയളവിലേക്ക് മാത്രമാണ് ഓഫര്‍ ലഭ്യമാകുക. അതിനുള്ളില്‍ യൂസര്‍ക്ക് പരമാവധി മൂന്ന് തവണയെങ്കിലും ഓഫര്‍ പ്രയോജനപ്പെടുത്താം. 28 ദിവസമാണ് ഡാറ്റാ വാലിഡിറ്റി.

എയര്‍ടെല്ലിന്റെ പ്രത്യേക ഓഫര്‍ കഴിഞ്ഞയാഴ്ച ഗുജറാത്ത്, മധ്യപ്രദേശ്, ഛത്തീസ്ഗഡ് എന്നീ സംസ്ഥാനങ്ങളില്‍ അവതരിപ്പിച്ചിരുന്നു. നിലവില്‍ രാജ്യത്തെ 18 സര്‍ക്കിളുകളിലാണ് എയര്‍ടെല്‍ 4ജി ഉള്ളത്. ഈ ഓഫര്‍ പിന്നീട് രാജ്യത്താകമാനം ലഭ്യമാക്കും.

ഇന്ത്യന്‍ ടെലികോം രംഗത്ത നിരക്ക് കുറയ്ക്കല്‍ മത്സരത്തിന് തുടക്കം കുറിച്ചത് ജിയോയാണ്. ഇതിനെ നേരിടാന്‍ ബിഎസ്എന്‍എല്ലും വോഡഫോണും എയര്‍ടെലുമെല്ലാം നിരക്കിളവുകള്‍ പ്രഖ്യാപിച്ചിരുന്നു. ഡിസംബര്‍ 31 വരെ ജിയോയില്‍ 4ജി ഡാറ്റ സൗജന്യമാണ്.