ബെംഗളൂരു: ഉത്സവകാലം ആരംഭിച്ചതോടെ ഇന്ത്യയില്‍ ഇ-കൊമേഴ്‌സ് സൈറ്റുകളില്‍ ഓഫര്‍ പൂരമായിരുന്നു. ദീപാവലി അടുത്തതോടെ ഈ സീസണിലെ മൂന്നാമത് ഓഫര്‍ വില്‍പനയ്ക്ക് ഒരുങ്ങുകയാണ് ആമസോണും ഫ്‌ളിപ്പ്കാര്‍ട്ടും.

ഒക്ടോബര്‍ 25 മുതല്‍ ഒക്ടോബര്‍ 28 രാത്രി 11.59 വരെയാണ് മൂന്നാം റൗണ്ട് ഓഫര്‍ വില്‍പന. ബിഗ് ദീവാലി സെയില്‍ എന്ന പേരിലാണ് ഫ്‌ളിപ്പ്കാര്‍ട്ടിന്റെ ഉത്സവകാല വില്‍പന. ഗ്രേറ്റ് ഇന്ത്യന്‍ ഫെസ്റ്റിവല്‍ എന്ന പേരില്‍ത്തന്നെയാണ് ആമസോണിന്റെ വില്‍പന.

തുണിത്തരങ്ങള്‍, മൊബൈല്‍ഫോണുകള്‍, മറ്റ് ഇലക്ട്രോണിക്‌സ് ഉല്‍പന്നങ്ങള്‍ എന്നിവയ്ക്കാണ് പ്രധാനമായും ഓഫറുകള്‍ നല്‍കുക. കൂടാതെ അര മണിക്കൂര്‍ ഇടവിട്ട് ഫ്‌ളാഷ് സെയിലുകളും ഉണ്ടാകും. ഉപഭോക്താക്കള്‍ക്ക്് ഇഷ്ടപ്പെട്ട ഉല്‍പന്നങ്ങള്‍ വളരെ തുച്ഛമായ വിലയ്ക്ക് വാങ്ങാനുള്ള അവസരമുണ്ടാകും. ബംപര്‍ ബൊണാന്‍സ എന്ന പേരിലും ഓഫറുകളും ഡിസ്‌കൗണ്ടുകളും ലഭിക്കും.

എസ്ബിഐ, സിറ്റിബാങ്ക് തുടങ്ങിയ ബാങ്കുകളുമായി ചേര്‍ന്ന് ആമസോണും ഫ്‌ളിപ്കാര്‍ട്ടും പത്തു മുതല്‍ പതിനഞ്ച് ശതമാനം വരെ ഡിസ്‌കൗണ്ട് ഓഫറുകള്‍ നല്‍കുന്നുണ്ട്.