ന്യൂഡല്‍ഹി: ചൈനീസ് ഉല്‍പന്നങ്ങള്‍ നിരോധിക്കാനുള്ള ആഹ്വാനം ഫലം കാണുന്നു. ഇത്തവണ ദീപാവലിക്ക് ചൈനീസ് ഉല്‍പ്പന്നങ്ങളുടെ വില്‍പനയില്‍ 45 ശതമാനം ഇടിവ്.

കോണ്‍ഫഡറേഷന്‍ ഓഫ് ഓള്‍ ഇന്ത്യന്‍ ട്രേഡേഴ്‌സാണ് (സഎഐടി) ഇക്കാര്യം അറിയിച്ചത്. ഇത്തവണ ചൈനീസ് ഉല്‍പ്പന്നങ്ങള്‍ ദീപാവലിക്ക് ബഹിഷ്‌കരിക്കണമെന്ന് സോഷ്യല്‍ മീഡിയയിലൂടെ വ്യാപകമായി പ്രചരിച്ചിരുന്നു.ചൈനീസ് പടക്കങ്ങള്‍,ഗിഫ്റ്റ് വസ്തുക്കള്‍,ഇലക്ട്രിക് ബള്‍ബുകള്‍,അടുക്കളയുപകരണങ്ങള്‍, ഇലക്ട്രിക് ഫിറ്റിംഗുകള്‍, അലങ്കാര വസ്തുക്കള്‍ എന്നിവയുടെ വില്‍പനയിലാണ് കുത്തനെ ഇടിവ് രേഖപ്പെടുത്തിയത്.

ചൈനീസ് ഉല്‍പ്പന്നങ്ങള്‍ ബഹിഷ്‌കരണം തുടരുകയാണെങ്കില്‍ ക്രിസ്മസ്, പുതുവത്സര ആഘോഷങ്ങള്‍ ചൈനീസ് വിപണിക്ക് വലിയ നഷ്ടം വരുത്തും.

ചൈനീസ് ഉല്‍പന്നങ്ങളോട് കിടപിടിയ്ക്കുന്ന ഗുണമേന്മയുള്ള ഉല്‍പ്പന്നങ്ങള്‍ ആഭ്യന്തരമായി ഉല്‍പാദിപ്പിക്കാന്‍ ചെറുകിട സംരംഭങ്ങളെ പ്രോത്സാഹിപ്പിക്കാന്‍ സര്‍ക്കാര്‍ ശ്രമം തുടങ്ങിയിട്ടുണ്ട്.